|
ທ່ານຊູຊີໂລ ປະທານາທິບໍດີອິນໂດເນເຊຍເຂົ້າຮ່ວມງານລາຕີສະຫຼອງບຸນຂະໜົມບົວລອຍ
cri
Author: mo
ຕາມຂ່າວສານຊີນຮວາ: ຕອນຄ່ຳວັນທີ 21 ກຸມພານີ້, ຢູ່ຢາກາກຕາ, ກະຊວງວັດທະນະທຳແລະການທ່ອງທ່ຽວແຫ່ງອິນໂດເນເຊຍແລະເວທີປາໄສຮ່ວມອິນໂດເນເຊຍຈີນໄດ້ຮ່ວມກັນຈັດງານລາຕີສະຫຼອງບຸນຂະໜົມບົວລອຍ, ທ່ານຊູຊີໂລ ປະທານາທິບໍດີອິນໂດເນເຊຍພ້ອມພັນລະຍາ, ແລະສະມາຊິກຄະນະລັດຖະບານພ້ອມດ້ວຍແຂກຜູ້ມີກຽດປະມານ 5 ພັນຄົນໄດ້ເຂົ້າຮ່ວມ.
ໃນເວລາກ່າວສູນທອນພົດ, ທ່ານຊູຊີໂລຊີ້ອອກວ່າ, ອິນໂດເນເຊຍມີຊັບພະຍາກອນອຸດົມສົມບູນ, ປະຊາກອນຫຼາກຫຼາຍ, ຖ້າຊົນເຜົ່າຕ່າງໆໂອບອ້ອມອາລີກັນ ຕ່າງເຄົາລົບກັນ ແລະສະໜັບສະໜູນຊ່ອຍເຫຼືອກັນແລ້ວ ກໍ່ຈະສາມາດສ້າງປະເທດໃຫ້ມັ່ງຄັ່ງເຂັ້ມແຂງກວ່າເກົ່າ. ທ່ານກ່າວວ່າ, ລັດຖະບານອິນໂດເນເຊຍອອກແຮງລົບລ້າງຄວາມດູໝີ່ນຊົນເຜົ່າໃນດ້ານກົດໝາຍແລະການບໍລິຫານງານ, ເພີ່ມທະວີຄວາມສາມັກຄີແລະປອງດອງກັນໃນສັງຄົມ. ທ່ານຫວັງໃຫ້ເຜົ່າຈີນອິນໂດເນເຊຍອຸທິດສະຕິປັນຍາແລະກຳລັງແຮງຫຼາຍກວ່າເກົ່າໃຫ້ແກ່ປະເທດຊາດ.
|
|
