|
|
 |
| (GMT+08:00)
2008-02-25 15:46:15
|
 |
|
ຊູດັງກ່າວເນັ້ນວ່າຈີນໄດ້ພະຍາຍາມຊ່ວຍແກ້ໄຂບັນຫາດາຟູ
cri
ຕາມຂ່າວCRI,ວັນທີ24ກຸມພານີ້,ຢູ່ກາກຕູມ,ທ່ານແດັງ ອາລໍ ລັດຖະມົນຕີວ່າການກະຊວງການຕ່າງປະເທດຊູດັງກ່າວເນັ້ນວ່າ,ຈີນໄດ້ທຳຄວາມພະຍາຍາມເພື່ອຊ່ວຍແກ້ໄຂບັນຫາດາຟູ ຕະຫຼອດມາ.
ມື້ດຽວກັນ,ພາຍຫຼັງພົບປະເຈລະຈາກັບທ່ານລິວກຸ້ຍຈິ່ນ ຜູ່ຕາງໜ້າພິເສດກ່ຽວກັບບັນຫາດາຟູຂອງລັດຖະບານຈີນແລ້ວ,ທ່ານອາລໍກ່າວວ່າ,ຈີນແມ່ນເພື່ອນມິດ ຂອງລັດຖະບານຊູດັງແລະປະຊາຊົນຊູດັງ,ຈີນບໍ່ໄດ້ມີສ່ວນກ່ຽວຂ້ອງກັບການປະທະກັນໃນດາຟູ,ແຕ່ຫາກແມ່ນທຳຄວາມພະຍາຍາມເພື່ອຊ່ວຍແກ້ໄຂບັນຫາດາຟູ.ທ່ານກ່າວວ່າ,ຊູດັງຄັດຄ້ານປະເທດຝ່າຍຕາເວັນຕົກໃຊ້ຄວາມກົດດັນໃສ່ຈີນໃນບັນຫາດາຟູ,ຄັດຄ້ານການເອົາບັນຫາດາຟູໄປພົວພັນກັບງານກິລາໂອລິມປິກປັກກິ່ງ.
ທ່ານລິວກຸ້ຍຈິ່ນກ່າວວ່າ ລັດຖະບານຈີນຍິນດີເພີ່ມທະວີການຮ່ວມມືກັບຝ່າຍທີ່ກ່ຽວຂ້ອງກັບບັນຫາດາຟູເຊັ່ນຊູດັງ ສະຫະປະຊາຊາດແລະສະຫະພາບອາຟິຼກກາເປັນຕົ້ນ,ເພື່ອຊອກຫາວິທີແກ້ໄຂບັນຫາດາຟູຢ່າງເຖິງຖອງໂດຍໄວເທົ່າທີ່ຈະໄວໄດ້.
ມື້ດຽວກັນ,ຢູ່ກາກຕູມ ນະຄອນຫຼວງຊູດັງ,ເມື່ອທ່ານໂລໂດນເຟອາດາດາ ຜູ່ຕາງໜ້າພິເສດກ່ຽວກັບບັນຫາດາຟູຂອງສະຫະປະຊາຊາດແລະສະຫະພາບອາຟິຼກາພົບປະກັບທ່ານລິວກຸ້ຍຈິ່ນແລ້ວ,ທ່ານກ່າວວ່າ,ນັບແຕ່ກອງທະຫານຊ່າງແສງຮັກສາສັນຕິພາບຂອງຈີນໄປເຖິງດາຟູໃນເດືອນພະຈິກປີກາຍນີ້ແລ້ວກໍ່ໄດ້ສ້າງສິ່ງມະຫັດສະຈັນອັນໜຶ່ງຄື"ເຂົາເຈົ້າໄດ້ສ້າງຄ້າຍທະຫານສຳເລັດພາຍໃນເວລາສັ້ນທີ່ສຸດບົນພື້ນຖານທີ່ບໍ່ມີຫຍັງໝົດ"ນີ້ແມ່ນສັນຍານທີ່ດີອັນໜຶ່ງໃນການແກ້ໄຂບັນຫາດາຟູ.
|
|
|
