|
ທ່ານທັກສິນຊິນນະວັດ ອະດີດນາຍົກໄທຈະກັບຄືນປະເທດໄທໃນວັນທີ28ເດືອນນີ້
cri
ຕາມຂ່າວສານຊິນຮວາ,ວັນທີ27ກຸມພານີ້,ທ່ານທັກສິນຊິນນະວັດ ອະດີດນາຍົກລັດຖະມົນຕີໄທໄດ້ຜ່ານຈາກທະນາຍຄວາມປະກາດວ່າ,ທ່ານຈະກັບຄືນປະເທດໄທໃນຕອນເຊົ້າວັນທີ28ກຸມພານີ້,ເພື່ອແກ້ຄະດີການກ່າວຟ້ອງຫຼາຍສິບຂໍ້ຫາທີ່ມີຕໍ່ທ່ານ.
ຍ້ອນວ່າກ່ອນໜ້ານີ້,ສານດີກາໄທໄດ້ອອກຄຳສັ່ງຈັບຕົວທ່ານທັກສິນ,ພາຍຫຼັງທ່ານທັກສິນໄປຮອດບາງກອກແລ້ວ,ຈະໄປສະເໜີຕົວແລະເສຍຄ່າປ່ອຍພາງຢູ່ສານດີກາກ່ອນ,ແລ້ວໄປຮັບຮູ້ຂໍ້ກ່າວຫາຢູ່ຄະນະກຳມະການສຳຫຼວດຄະດີພິເສດ,ເພື່ອນັດວັນເວລາຂຶ້ນສານ.
ຂ່າວແຈ້ງວ່າ,ເລີ່ມແຕ່ຕອນຄ່ຳວັນທີ27ກຸມພານີ້ເປັນຕົ້ນໄປ,ຕຳຫຼວດໄທຈະຈັດວາງກຳລັງຕຳຫຼວດຢ່າງຫຼວງຫຼາຍຢູ່ສະໜາມບິນເພື່ອປ້ອງກັນບໍ່ໃຫ້ຜູ່ສະໜັບສະໜູນແລະຜູ່ຄັດຄ້ານທ່ານທັກສິນເກີດການປະທະກັນ,ເຊິ່ງອາດຈະເກີດສະພາບການທີ່ຄວບຄຸມໄວ້ບໍ່ໄດ້.
|
|
