|
ຕາມຂ່າວCRI,ຕອນເຊົ້າວັນທີ28ກຸມພານີ້,ທ່ານທັກສິນຊິນນະວັດ ອະດີດນາຍົກລັດຖະມົນຕີໄທໄດ້ຂີ່ຍົນຂອງສາຍການບິນໄທຈາກຮົງກົງກັບຄືນສູ່ບາງກອກ,ເຊິ່ງໄດ້ສິ້ນສຸດການດຳລົງຊີວິດຢູ່ຕ່າງປະເທດນັບແຕ່ໄທເກີດລັດຖະປະຫານ ເມື່ອເດືອນກັນຍາປີ2006ມານີ້.
ຢູ່ສະໜາມບິນ,ທ່ານທັກສິນໄດ້ຮັບການຕ້ອນຮັບຈາກສະມາຊິກຂອງອະດີດພັກໄທຮັກໄທແລະພັກພະລັງປະຊາຊົນຈຳນວນຫຼວງຫຼາຍ ເຈົ້າໜ້າທີ່ລັດຖະບານສ່ວນໜຶ່ງພ້ອມດ້ວຍຜູ່ສະໜັບສະໜູນຫຼາຍພັນຄົນທີ່ມາຈາກແຫ່ງຕ່າງໆໃນທົ່ວປະເທດໄທ,ທ່ານບໍ່ໄດ້ໃຫ້ສຳພາດຫຍັງເລີຍ.ຍ້ອນຖືວ່າທ່ານໄດ້ຖືກກ່າວຟ້ອງວ່າໃຊ້ສິດອຳນາດເກີດຂອບເຂດ,ແລະສໍ້ລາດບັງຫຼວງເປັນຕົ້ນ,ທ່ານທັກສິນໄດ້ຂີ່ລົດອອກຈາກສະໜາມບິນ,ໄປສານດີກາແລະສຳນັກງານໄອຍະການສູງສຸດສຳຫຼວດຄະດີພິເສດ.
ຕອນຄ່ຳວັນທີ27ກຸມພານີ້,ຢູ່ຮົງກົງ ທ່ານກ່າວວ່າ,ເທື່ອນີ້ທ່ານກັບຄືນປະເທດແມ່ນມີຈຸດປະສົງເພື່ອແກ້ຄະດີທີ່ຖືກກ່າວຟ້ອງແລະຈະບໍ່ເຂົ້າກ່ຽວຂ້ອງກັບການເມືອງອີກຢ່າງເດັດຂາດ.
1 2
|
