|
|
 |
| (GMT+08:00)
2008-03-05 20:38:48
|
 |
|
ເຈົ້າໜ້າທີ່ອົງການອະນາໄມໂລກກ່າວວ່າການປ້ອງກັນແລະຄວບຄຸມໄຂ້ຫວັດສັດປີກຂອງອາຊີຈະຖືເບົາບໍ່ໄດ້
cri
ຕາມຂ່າວສານຊິນຮວາ,ວັນທີ5ມີນານີ້,ໃນເວລາຢ້ຽມຊົມສິ່ງກໍ່ສ້າງປ້ອງກັນແລະຄວບຄຸມໄຂ້ຫວັດສັດປີກຂອງຟີລິບປິນ,ທ່ານທາເຄຊີ ຄາຊາອິ ເຈົ້າໜ້າທີ່ຕິດຕາມກວດກາແລະປ້ອງກັນຄວບຄຸມພະຍາດຕິດແປດພາກພື້ນອາຊີປາຊີຟິກຂອງອົງການອະນາໄມໂລກກ່າວວ່າ,ວຽກງານປ້ອງກັນແລະຄວບຄຸມໄຂ້ຫວັດສັດປີກຂອງອາຊີຈະຖືເບົາບໍ່ໄດ້.
ສື່ມວນຊົນຟີລິບປິນແຈ້ງຂ່າວວ່າ,ທ່ານຄາເຄຊີ ຄາຊາອິ ກ່າວວ່າ,ເຖິງວ່າປັດຈຸບັນ,ປະເທດອາຊີມີການກະກຽມຫຼາຍກວ່າແຕ່ກ່ອນໃນເວລາເກີດມີພະຍາດໄຂ້ຫວັດສັດປີກ,ແຕ່ຈຳນວນຄົນຕິດພະຍາດໄຂ້ຫວັດສັດປີກແລະຈຳນວນຄົນຕາຍຍັງເພີ່ມຂຶ້ນຢ່າງບໍ່ຢຸດຢັ້ງ,ພາຍຫຼັງເຊື້ອພະຍາດໄຂ້ຫວັດສັດປີກແປຮູບແລ້ວຍັງອາດຈະແຜ່ລະລາດລະຫວ່າງຄົນກັບຄົນ.ຫຼາຍປະເທດອາຊີລ້ວນແຕ່ໄດ້ປະກົດມີຄົນຕິດພະຍາດໄຂ້ຫວັດສັດປີກ,ສະນັ້ນ,ການປ້ອງກັນແລະຄວບຄຸມໄຂ້ຫວັດສັດປີກຈະຖືເບົາບໍ່ໄດ້.
ທ່ານຄາເຄຊີ ຄາຊາອິ ຍັງຍ້ອງຍໍຈີນທີ່ເປີດເຜີຍຂໍ້ມູນຂ່າວສານກ່ຽວກັບການປ້ອງກັນແລະຄວບຄຸມໄຂ້ຫວັດສັດປີກ.ທ່ານກ່າວວ່າ,ບໍ່ວ່າບົດລາຍງານຜູ່ຕິດພະຍາດໄຂ້ຫວັດສັດປີກກໍຄືຜົນການກວດກາໃນຫ້ອງທົດລອງ,ຈີນລ້ວນແຕ່ໄດ້ເປີດເຜີຍຂໍ້ມູນຂ່າວສານກ່ຽວກັບການປ້ອງກັນແລະຄວບຄຸມໄຂ້ຫວັດສັດປີກຢ່າງທັນການ.
|
|
|
