|
|
 |
| (GMT+08:00)
2008-03-09 18:47:10
|
 |
|
ທ່ານໂລເກີກ່າວວ່າຈີນໄດ້ຮັບຄວາມຄືບໜ້າໃນການປັບປຸງອາກາດໃຫ້ດີຂຶ້ນ
cri
ຕາມຂ່າວສານຊິນຮວາ,ວັນທີ8ມີນານີ້,ໃນເວລາເຂົ້າຮ່ວມກອງປະຊຸມກິລາແມ່ຍິງໂລກຄັ້ງທີ4ທີ່ຈັດຂຶ້ນຢູ່ແຄມທະເລຕາຍແຫ່ງຊອກດານີ,ທ່ານຈາກກີວສໂລເກີ ປະທານຄະນະກຳມະການໂອລົມປິກສາກົນກ່າວວ່າ,ຈີນໄດ້ຮັບຄວາມຄືບໜ້າຢ່າງໃຫຍ່ຫຼວງໃນການພະຍາຍາມປັບປຸງອາກາດໃຫ້ດີຂຶ້ນກ່ອນງານກິລາໂອລິມປິກປັກກິ່ງ2008 .
ທ່ານໂລເກີໄດ້ແຈ້ງໃຫ້ຊາບວ່າ,ຈີນໄດ້ໃຊ້ຫຼາຍມາດຕະການເພື່ອປັບປຸງ ອາກາດໃຫ້ດີຂຶ້ນແລະແກ້ໄຂບັນຫາສິ່ງແວດລ້ອມຖືກມົນລະພິດຄືໃຊ້ອາຍແກັສທຳມະຊາດເປັນພະລັງງານທີ່ເຂົ້າແທນຖ່ານຫີນ,ປິດໂຮງງານເຫຼັກກ້າທີ່ສ້າງມົນລະພິດຫຼາຍແລະປູກໄມ້ຫຼາຍລ້ານຕົ້ນຢູ່ປັກກິ່ງພ້ອມດ້ວຍທະເລຊາຍອ້ອມແອມປັກກິ່ງ.ທ່ານເຫັນໄປໃນແງ່ດີຕໍ່ການຄາດຄະເນກ່ຽວກັບອາກາດຂອງປັກກິ່ງຈະໄດ້ຮັບການປັບປຸງໃຫ້ດີຂຶ້ນຢ່າງຮອບດ້ານກ່ອນ ງານກິລາໂອລິມປິກປັກກິ່ງ.
ກ່ຽວກັບຄົນຈຳນວນໜຶ່ງຂອງຝ່າຍຕາເວັນຕົກເອົາງານກິລາໂອລິມປິກຕິດພັນກັບບັນຫາສິດທິມະນຸດ,ທ່ານໂລເກີກ່າວວ່າ,ວຽກງານຂອງຄະນະກຳມະການໂອລິມປິກສາກົນແມ່ນຈັດຕັ້ງການແຂ່ງຂັນກິລາ,ຫາກບໍ່ແມ່ນອົງການທີ່ແກ້ໄຂທຸກບັນຫາໃນໂລກ.ສະນັ້ນ,ຄະນະກຳມະການໂອລິມປິກສາກົນຄວນເຮັດວຽກຢູ່ໃນຂອບເຂດບົດບາດຂອງຕົນ.
|
|
|
