|
|
(GMT+08:00)
2008-03-17 14:12:54
|
|
ຫາງສຽງຕ່າງປະເທດສົນໃຈນຳກອງປະຊຸມຂອງສອງສະພາຈີນເລືອກຕັ້ງຜູ່ນຳແຫ່ງລັດຊຸດໃໝ່
cri
ຕາມຂ່າວສານຊິນຮວາ,ຫວ່າງມໍ່ໆນີ້,ສື່ມວນຊົນຕ່າງປະເທດພາກັນລາຍງານຂ່າວກ່ຽວກັບສະພາປະຊາຊົນແຫ່ງຊາດຈີນແລະສະພາປຶກສາການເມືອງແຫ່ງຊາດຈີນເລືອກຕັ້ງຜູ່ນຳແຫ່ງລັດຊຸດໃໝ່,ແລະໃຫ້ຄວາມສົນໃຈຕໍ່ສິ່ງທ້າທາຍແລະຫົວຂໍ້ທີ່ຜູ່ນຳຊຸດໃໝ່ປະເຊີນໜ້າ.
ວັນທີ15ມີນານີ້,ສຳນັກຂ່າວສຳຄັນຕ່າງໆໃນໂລກເຊັ່ນຂ່າວສານອາເປ ຂ່າວສານອາເອັຟເປ ຂ່າວສານຣອຍເຕີພາກັນລາຍງານຂ່າວ ກ່ຽວກັບສະພາຜູ່ແທນປະຊາຊົນແຫ່ງຊາດຈີນແລະສະພາປຶກສາການເມືອງແຫ່ງຊາດຈີນໄດ້ເລືອກຕັ້ງຜູ່ນຳແຫ່ງລັດຊຸດໃໝ່.ຂ່າວສານອາເປລາຍງານວ່າ,ພາຍໃຕ້ການນຳພາຂອງທ່ານຫູຈິນທາວແລະຜູ່ນຳອື່ນໆ,ໃນຊຸມປີມໍ່ໆມານີ້,ເສດຖະກິດຈີນເຕີບໂຕຢ່າງວ່ອງໄວແລະຕໍ່ເນື່ອງ,ພາບພົດໃນສາກົນຍົກສູງຂຶ້ນຢ່າງໜັກແໜ້ນ.ຂ່າວແຈ້ງວ່າ,ຜູ່ນຳແຫ່ງລັດຊຸດໃໝ່ຂອງຈີນພວມປະເຊີນກັບການທ້າທາຍອັນໃຫຍ່ຫຼວງ,ຕົວຢ່າງເຊັ່ນບັນຫາຄົມມະນາຄົມ ພະລັງໄຟຟ້າແລະໂຄງສ້າງທາງບໍລິຫານເປັນຕົ້ນ.
ວັນທີ16ມີນານີ້,ກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນຊຸດທີ11ໄດ້ຮັບຮອງທ່ານເວິ່ນເຈ່ຍປາວເປັນນາຍົກລັດຖະມົນຕີ,ຫຼັງຈາກນັ້ນ,ສື່ມວນຊົນຕ່າງປະເທດເຊັ່ນຂ່າວສານອາເປ ຂ່າວສານຣອຍເຕີ ຂ່າວສານອາເອັຟເປ ຂ່າວສານຈີຈີ,ຂ່າວສານກຽວໂດແລະອື່ນໆໄດ້ລາຍງານຂ່າວນີ້ຢ່າງວ່ອງໄວ,ແລະໄດ້ຍົກໃຫ້ເຫັນຫົວຂໍ້ຕ່າງໆທີ່ລັດຖະບານຊຸດໃໝ່ຂອງຈີນປະເຊີນເຊັ່ນ ການຄວບຄຸມບໍ່ໃຫ້ລາຄາສິນຄ້າແພງຂຶ້ນ,ຈັດງານກິລາໂອລິມປິກປັກກິ່ງໃຫ້ສຳເລັດຜົນເປັນຕົ້ນ.
|
|
|