|
|
 |
| (GMT+08:00)
2008-03-18 16:31:08
|
 |
|
ຄຸນນະພາບຂອງອາກາດປັກກິ່ງຈະບໍ່ສົ່ງຜົນຮ້າຍຕໍ່ສຸຂະພາບຂອງນັກກິລາໂດຍພື້ນຖານ
cri
Author: d
ຕາມຂ່າວສານຊິນຮວາ: ວັນທີ17ມີນານີ້ ກຳມາທິການແພດຂອງຄະນະກຳມະການໂອລິມປິກສາກົນໄດ້ປະກາດຜົນການວິເຄາະແລະປະເມີນຕໍ່ຄຸນນະພາບຂອງອາກາດ ນະຄອນປັກກິ່ງ,ເຫັນວ່າ ຄຸນນະພາບຂອງອາກາດປັກກິ່ງໃນເດືອນສິງຫາຈະບໍ່ສົ່ງຜົນຮ້າຍຕໍ່ສຸຂະພາບຂອງນັກກິລາໂອລິມປິກໂດຍພື້ນຖານ.
ໃນຖະແຫຼງການ ທ່ານອາເນ ຢົງເຄວັສດ໌ ປະທານກຳມາທິການແພດຂອງຄະນະກຳມະການໂອລິມປິກສາກົນກ່າວວ່າ,ເໝືອນດັ່ງງານກິລາໂອລິມປິກຊຸດທີ່ຜ່ານມາ,"ພວກຂ້າພະເຈົ້າຈະຮັບປະກັນໃຫ້ຄວາມສ່ຽງຈາກຄຸນນະພາບຂອງອາກາດຫຼຸດລົງ,ແລະຈະຮັບປະກັນໃຫ້ປະຕິບັດມາດຕະການທຸກຢ່າງເພື່ອຮັກສາສຸຂະພາບຂອງນັກກິລາໃຫ້ໄດ້ມາດຕະຖານ". ທ່ານຍັງກ່າວວ່າ,ຄະນະກຳມະການໂອລິມປິກສາກົນເຊື່ອວ່າ,ມາດຕະການທີ່ຄະນະກຳມະການຈັດຕັ້ງງານກິລາໂອລິມປິກປັກກິ່ງແລະອົງການປົກຄອງນະຄອນປັກກິ່ງໄດ້ໃຊ້ແລະຈະໃຊ້ໃນແຜນການຕື່ມອີກ,ຍ່ອມຈະເຮັດໃຫ້ຄຸນນະພາບຂອງອາກາດນະຄອນປັກກິ່ງໄດ້ຮັບການປັບປຸງໃຫ້ດີຂຶ້ນຕື່ມອີກ ກ່ອນແລະໃນໄລຍະງານກິລາໂອລິມປິກປັກກິ່ງ.
|
|
|
