|
ເອກອັກຄະລັດຖະທູດຈີນປະຈຳເກຼັກກ່າວວ່າ,ງານກິລາໂອລິມປິກພວມຊຸກຍູ້ມິດຕະພາບລະຫວ່າງຈີນກັບເກຼັກ
cri
Author: d
ຕາມຂ່າວCRI: ວັນທີ21ມີນານີ້ ຢູ່ອາແຕັນ ທ່ານໂລລິນສວນ ເອກອັກຄະລັດຖະທູດຈີນປະຈຳເກຼັກກ່າວວ່າ,ຈີນແລະເກຼັກໄດ້ຫຍັບເຂົ້າໃກ້ກັນຕື່ມອີກຍ້ອນງານກິລາໂອລິມປິກ.
ເນື່ອງໃນໂອກາດທີ່ໃກ້ຈະຮອດມື້ຈັດພິທີໄຕ້ເອົາເຊື້ອໄຟສັກສິດງານກິລາໂອລິມປິກປັກກິ່ງຢູ່ໂອລິມເປຍຂອງເກຼັກ,ທ່ານໂລລິນສວນ ເອກອັກຄະລັດຖະທູດຈີນປະຈຳເກຼັກໄດ້ໃຫ້ສຳພາດຕໍ່ນັກຂ່າວCRIວ່າ,ງານກິລາໂອລິມປິກກຳເນີດຈາກຄວາມສີວິໄລຂອງຝ່າຍຕາເວັນຕົກ,ການຈັດງານກິລາດັ່ງກ່າວຢູ່ຈີນຊຶ່ງເປັນປະເທດໃຫຍ່ແຫ່ງຄວາມສີວິໄລທີ່ພວມພັດທະນາຂອງຝ່າຍຕາເວັນອອກ,ແມ່ນເລື່ອງອັນໃຫຍ່ໂຕມະໂຫລານໃນປະຫວັດສາດທີ່ມີຄວາມໝາຍອັນເລິກເຊິ່ງຍາວໄກ.ນ້ຳໃຈໂອລິມປິກທີ່ກຳເນີດຂຶ້ນຢູ່ເກຼັກ,ກໍ່ສອດຄ່ອງທັດສະນະຄະຕິ"ໂລກທີ່ປອງດອງກັນ"ທີ່ຈີນສະເໜີອອກມາ.
ຈີນແລະເກຼັກຈະຖືໂອກາດຈັດງານກິາລາໂອລິມປິກຢູ່ປັກກິ່ງ,ຂະຫຍາຍການຮ່ວມມືກັນຕື່ມອີກ,ເພີ່ມຄວາມໄວ້ເນື້ອເຊື່ອໃຈກັນທາງການເມືອງ,ແລະປະຊາຊົນສອງຊາດກໍ່ເພີ່ມຄວາມເຂົ້າໃຈກັນແລະໄມຕີຈິດມິດຕະພາບຕໍ່ກັນ.
|
|
