|
ຕາມຂ່າວCRI,ວັນທີ23ມີນານີ້,ທ່ານອັບເດນ ອາຈິສ ເບນຄາເດັມ ນາຍົກລັດຖະມົນຕີ ເລຂາທິການໃຫຍ່ແນວໂຮມປົດປ່ອຍ ຊາດອານເຊລີແລະທ່ານອັບເດນອາຈິສ ຈີອາຣີ ປະທານສະພາແຫ່ງຊາດອານເຊລີໄດ້ພົບປະກັບທ່ານລີສາງຊຸນ ກຳມະການປະຈຳການກົມການເມືອງສູນກາງພັກກອມມູນິດຈີນທີ່ໄປຢ້ຽມຢາມ.
ທ່ານເບນຄາເດັມພົບປະກັບທ່ານລີສາງຊຸນ(ຊ້າຍ)
ໃນເວລາພົບປະກັບທ່ານເບນຄາເດັມ,ທ່ານລີສາງຊຸນກ່າວວ່າ,ພັກແລະລັດຖະບານຈີນໃຫ້ຄວາມສຳຄັນໃນລະດັບສູງຕໍ່ການພົວພັນຈີນອານເຊລີ,ຍິນດີພ້ອມກັນກັບອານເຊລີຄົ້ນຄວ້າຫາລືວິຖີທາງໃໝ່ແລະຮູບການໃໝ່ທີ່ເປີດກວ້າງການຮ່ວມມືທີ່ຕ່າງຝ່າຍຕ່າງມີປະໂຫຍດໃນຂົງເຂດຕ່າງໆລະຫວ່າງສອງປະເທດ.
ທ່ານເບນຄາເດັມກ່າວວ່າ,ອານເຊລີຫວັງໃຫ້ຈີນເສີມຂະຫຍາຍບົດບາດຫຼາຍກວ່າເກົ່າໃນວຽກງານສາກົນແລະພາກພື້ນ,ຍິນດີຮ່ວມກັບຈີນທຳຄວາມພະຍາຍາມເພີ່ມຄວາມໄວ້ເນື້ອເຊື່ອໃຈກັນທາງການເມືອງລະຫວ່າງອານເຊລີກັບຈີນ,ເປີດກວ້າງຂະໜາດການຄ້າລະຫວ່າງສອງຝ່າຍ.
ທ່ານຈີອາລີພົບປະກັບທ່ານລີສາງຊຸນ(ຊ້າຍ)
ໃນເວລາພົບປະກັບທ່ານຈີອາລີ,ທ່ານລີສາງຊຸນກ່າວວ່າ,ຈີນຍ້ອງຍໍອານເຊລີທີ່ຍຶດໝັ້ນນະໂຍບາຍຈີນດຽວມາໂດຍຕະຫຼອດ,ຫວັງຢາກພ້ອມກັບອານເຊລີທຳຄວາມພະຍາຍາມ,ປັບປຸງແລະຂະຫຍາຍການພົວພັນຮ່ວມມືຍຸດທະສາດລະຫວ່າງສອງປະເທດຕະຫຼອດໄປ.ທ່ານຈີອາຣີກ່າວວ່າ,ອານເຊລີຍິນດີທຳຄວາມພະຍາຍາມຢ່າງຕັ້ງໜ້າເພື່ອລົງເລິກຂະຫຍາຍການພົວພັນຮ່ວມມືມິດຕະພາບແລະຕ່າງຝ່າຍຕ່າງມີຜົນປະໂຫຍດລະຫວ່າງອານເຊລີກັບຈີນຕື່ມອີກ.
|
