|
ລັດຖະບານໄທກ່າວວ່າ ຈະພະຍາຍາມສຸດຂີດເພື່ອຈັດການເຄື່ອນໄຫວສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ບາງກອກໃຫ້ດີ
cri
Author: cai
ຕາມຂ່າວCRI:ວັນທີ 24 ມີນານີ້,ຢູ່ບາງກອກ,ທ່ານສະນັ່ນ ຄະຈອນປະສາດ ຮອງນາຍົກລັດຖະມົນຕີໄທກ່າວວ່າ,ລັດຖະບານໄທຈະພະຍາຍາມສຸດຂີດເພື່ອຈັດການເຄື່ອນໄຫວສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ບາງກອກໃຫ້ດີ.
ຕອນເຊົ້າວັນທີ 24 ມີນານີ້,ຢູ່ສຳນັກງານນາຍົກ,ທ່ານສະນັ່ນ ຮອງນາຍົກໄທໄດ້ຈັດກອງປະຊຸມປະສານງານກ່ຽວກັບການເຄື່ອນໄຫວສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ບາງກອກ.
ໃນກອງປະຊຸມ,ທ່ານສະນັ່ນກ່າວວ່າ,ລັດຖະບານໄທເອົາໃຈໃສ່ທີ່ສຸດນຳການເຄື່ອນໄຫວສົ່ງຕໍ່ທວນໄຟງານກິລາໂອລິມປິກປັກກິ່ງທີ່ຈະຈັດຂຶ້ນຢູ່ບາງກອກໃນວັນທີ 19 ເມສາປີນີ້.ພາຍໃຕ້ການຊີ້ນຳຂອງທ່ານສະໝັກ ສຸນທໍລະເວດ ນາຍົກລັດຖະມົນຕີໄທ,ໄທໄດ້ຕັ້ງຄະນະກຳມະການການເຄື່ອນໄຫວສົ່ງຕໍ່ທວນໄຟເຊິ່ງແມ່ນທ່ານສະໝັກເປັນປະທານ.
|
|
