|
ຕາມຂ່າວCRI:ວັນທີ 25 ມີນານີ້,ໃນເວລາສະພາຄວາມຫມັ້ນຄົງສະຫະປະຊາຊາດຈັດການອະພິປາຍຢ່າງເປີດເຜີຍກ່ຽວກັບບັນຫາຕາເວັນອອກກາງ, ທ່ານລິວເຈິ້ນມິນ ຮອງຜູ່ຕາງຫນ້າຖາວອນຂອງຈີນປະຈຳສະຫະປະຊາຊາດໄດ້ປະກອບຄຳຄິດຄຳເຫັນໂດຍກ່າວວ່າ,ຝ່າຍຕ່າງໆທີ່ກ່ຽວຂ້ອງສະແດງຄວາມຄ່ອງແຄ້ວ ບໍ່ໃຊ້ຄວາມຮຸນແຮງ ຍຶດຫມັ້ນການສົນທະນາແລະການເຈລະຈາຢ່າງສະເຫມີພາບນັ້ນແມ່ນທາງອອກອັນຖືກຕ້ອງໃນການແກ້ໄຂບັນຫາຕາເວັນອອກກາງ.
ທ່ານລິວເຈິ້ນມິນກ່າວວ່າ,ປະຈຸບັນ ຂະບວນວິວັດສັນຕິພາບຕາເວັນອອກກາງພວມຢູ່ໃນໄລຍະຫົວລ້ຽວຫົວຕໍ່,ຝ່າຍໃດໆກໍ່ຄວນຫຼີກເວັ້ນບໍ່ໃຊ້ການກະທຳທີ່ທຳ ລາຍບັນຍາກາດຂອງການເຈລະຈາ.ທ່ານກ່າວວ່າ,ອິສຣາແອນໄດ້ຕົກລົງຂະ ຫຍາຍສ້າງຈຸດຕັ້ງຖິ່ນຖານໃຫມ່ໃນຫວ່າງກ່ອນນີ້ບໍ່ດົນ,ນີ້ບໍ່ມີຜົນດີຕໍ່ການຊຸກຍູ້ຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ.ພວກເຮົາຊົມເຊີຍນຳເຢແມນທີ່ທຳຄວາມພະຍາຍາມເຂົ້າໃນການຊຸກຍູ້ໃຫ້ຝ່າຍທີ່ຕ່າງກັນຂອງປາເລັສຕິນດຳເນີນ ການສົນທະນາໂດຍກົງ,ຊົມເຊີຍນຳສອງພັກຝ່າຍໃຫຍ່ຂອງປາເລັສຕິນທີ່ເຊັນສັນຍາແລະສືບຕໍ່ສົນທະນາແລະປຶກສາຫາລືກັນ.
ທ່ານລິວເຈິ້ນມິນກ່າວວ່າ,ຝ່າຍຈີນຊົມເຊີຍຄຳຫມັ້ນສັນຍາຂອງສອງຝ່າຍອິສຣາແອນແລະປາເລັສຕິນທີ່ຍຶດຫມັ້ນການເຈລະຈາທາງການເມືອງ,ຄອງຄອຍໃຫ້ສອງຝ່າຍຫຼີກລຽງສິ່ງລົບກວນຕ່າງໆ,ເລັ່ງລັດຂະບວນວິວັດການເຈລະຈາດ້ວຍການກະທຳຕົວຈິງ.
|
