|
ຕາມຂ່າວCRI,ກອງປະຊຸມສຸດຍອດ ອະນຸພາກພື້ນແມ່ນ້ຳຂອງຫຼືGMSຄັ້ງທີ3ໄຂຂຶ້ນແລ້ວຢູ່ວຽງຈັນ ນະຄອນຫຼວງຂອງລາວໃນວັນທີ31ມີນານີ້.ທ່ານເວິ່ນເຈ່ຍປາວ ນາຍົກລັດຖະມົນຕີຈີນ ທ່ານຮຸນແຊນ ນາຍົກລັດຖະມົນຕີກຳປູເຈຍ ທ່ານບົວສອນບຸບຜາວັນ ນາຍົກລັດຖະມົນຕີລາວ ທ່ານເຕນເຊນນາຍົກລັດຖະມົນຕີມຽນມາ ທ່ານສະໝັກສຸນທໍລະເວດນາຍົກລັດຖະທະມົນຕີໄທ ທ່ານຫງວຽນເຕິນຢຸງ ນາຍົກລັດຖະມົນຕີຫວຽດນາມພ້ອມດ້ວຍທ່ານຄູໂລດາ ຮາລູຮິໂຄ ປະທານທະນາຄານພັດທະນາອາຊີຫຼືADBໄດ້ເຂົ້າຮ່ວມກອງປະຊຸມ.
ທ່ານບົວສອນກ່າວຄຳປາໄສໃນກອງປະຊຸມ
ທ່ານບົວສອນ ບຸບຜາວັນ ນາຍົກລັດຖະມົນຕີລາວໄດ້ກ່າວຄຳໄຂກອງປະຊຸມ,ທ່ານບົວສອນຊີ້ອອກວ່າ,ເມື່ອທົບທວນຄືນການຮ່ວມມືໃນ15ປີທີ່ຜ່ານມາ,ບັນດາປະເທດອະນຸພາກພື້ນຍຶດໝັ້ນເປົ້າໝາຍຮ່ວມ,ໄດ້ຮັບໝາກຜົນອັນພົ້ນເດັ່ນໃນດ້ານການພັດທະນາແລະການເຊື່ອມໂຍງເຂົ້າກັນ,ໄດ້ຊຸກຍູ້ໃຫ້ປະເທດຕ່າງໆພັດທະນາແບບຕ່າງຝ່າຍຕ່າງມີຜົນປະໂຫຍດ.ໃນເວລາປະກອບຄຳຄິດຄຳເຫັນ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນກ່າວວ່າ,ຈີນຈະຍຶດໝັ້ນທິດທາງການຕ່າງປະເທດທີ່ມີມິດຕະພາບຕໍ່ປະເທດໃກ້ຄຽງ,ຖືປະເທດໃກ້ຄຽງເປັນໝູ່ຄູ່.ປັບປຸງມິດຕະພາບອັນເປັນມູນເຊື້ອກັບບັນດາປະເທດອະນຸພາກພື້ນແມ່ນ້ຳຂອງໃຫ້ໝັ້ນໜຽວກວ່າເກົ່າ,ເພີ່ມທະວີມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕິດແທດຕົວຈິງກັບປະເທດເຫຼົ່ານີ້,ຕັ້ງໜ້າຊຸກຍູ້ເສດຖະກິດສັງຄົມຂອງອະນຸພາກພື້ນແມ່ນ້ຳຂອງໃຫ້ມີການພັດທະນາ.
ທ່ານບົວສອນກ່າວຄຳປາໄສໃນກອງປະຊຸມ
ວັນທີ31ມີນານີ້,ຢູ່ນະຄອນຫຼວງວຽງຈັນ,ທ່ານເວິ່ນເຈ່ຍປາວຍັງໄດ້ພົບປະກັບທ່ານຄູໂລດາ ຮາລູຮິໂຄປະທານທະນາຄານADB.ໃນການພົບປະ,ທ່ານເວິ່ນເຈ່ຍປາວກ່າວວ່າ,ຈີນຍິນດີເປີດກວ້າງການຮ່ວມມືກັບທະນາຄານພັດທະນາອາຊີ,ຮ່ວມກັນຊຸກຍູ້ໃຫ້ເສດຖະກິດພາກພື້ນແຫ່ງນີ້ເຕີບໂຕຢ່າງໝັ້ນທ່ຽງແລະຕໍ່ເນື່ອງ.
ນາຍົກລັດຖະມົນຕີຂອງຫວຽດນາມ ໄທ ມຽນມາ(ຈາກຊ້າຍໄປຂວາ)ເຂົ້າ
ຮ່ວມກອງປະຊຸມ
|
