|
|
 |
| (GMT+08:00)
2008-04-04 18:05:46
|
 |
|
ຈີນຮຽກຮ້ອງໃຫ້ປະຊາຄົມໂລກໃຊ້ມາດຕະການຕົວຈິງເພື່ອຊຸກຍູ້ການບັນລຸເປົ້າໝາຍສະຫັດສະວັດ
cri
ຕາມຂ່າວCRI,ວັນທີ3ເມສານີ້,ທ່ານລີວເຈິ້ນມິນ ຮອງຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ປະກອບຄຳຄິດຄຳເຫັນໃນກອງປະຊຸມປຶກສາຫາລືກ່ຽວກັບເປົ້າໝາຍສະຫັດສະວັດແຫ່ງການພັດທະນາຂອງສະມັດຊາໃຫຍ່ສະຫະປະຊາຊາດສະໄໝທີ62,ທ່ານຮຽກຮ້ອງໃຫ້ປະຊາຄົມໂລກຮ່ວມກັນທຳຄວາມພະຍາຍາມຕື່ມອີກ,ໃຊ້ມາດຕະການຕົວຈິງ,ເພື່ອຊຸກຍູ້ການບັນລຸເປົ້າໝາຍສະຫັດສະວັດແຫ່ງການພັດທະນາຂອງສະຫະປະຊາຊາດ.
ໃນເວລາປະກອບຄຳຄິດຄຳເຫັນ,ທ່ານລິວເຈິ້ນມິນ ເຫັນວ່າ,ສະພາບຄວາມຄືບໜ້າຂອງເປົ້າໝາຍສະຫັດສະວັດແຫ່ງການພັດທະນາເຮັດໃຫ້ຄົນບໍ່ພໍໃຈ.ທ່ານກ່າວວ່າ,8ປີຜ່ານໄປແລ້ວ,ຄວາມຄືບໜ້າຂອງປະເທດຕ່າງໆບໍ່ສະໝ່ຳສະເໝີກັນທັງຊ້າເກີນໄປອີກຊ້ຳ.ປະຊາຄົມໂລກຕ້ອງມີຄວາມຮັບຜິດຊອບໃນລະດັບສູງແລະຄວາມຮູ້ສຶກອັນຮີບຮ້ອນ,ໃຊ້ມາດຕະການສັງລວມທີ່ບັງເກີດຜົນເພື່ອລັ່ງເລັດບັນລຸເປົ້າໝາຍສະຫັດສະວັດແຫ່ງການພັດທະນາຫຼືMDG.
ທ່ານລິວເຈິ້ນມິນກ່າວວ່າ,ຈີນເຫັນວ່າ ການຫຼຸດຜ່ອນຄວາມທຸກຍາກ,ຊຸກຍູ້ການສຶກສາແລະປັບປຸງສາທາລະນະສຸກຄວນຖືເປັນໃຈກາງຂອງການບັນລຸເປົ້າໝາຍສະຫັດສະວັດແຫ່ງການພັດທະນາ,ສືບຕໍ່ເສີມສ້າງຄວາມສາມາດຂອງປະເທດພວມພັດທະນາ,ເປີດກວ້າງການພົວພັນຄູ່ຮ່ວມມືຮອບດ້ານ,ພ້ອມທັງເສີມຂະຫຍາຍບົດບາດຂອງສະຫະປະຊາຊາດຢ່າງເຕັມທີ່.
ໃນເວລາປະກອບຄຳຄິດຄຳເຫັນ,ທ່ານລິວເຈິ້ນມິນຍັງຊຸກຊູ້ໃຫ້ປະເທດທີ່ພັດທະນາແລ້ວປະຕິບັດຕາມຄຳໝັ້ນສັນຍາທີ່ກ່ຽວຂ້ອງ.
|
|
|
