|
|
 |
| (GMT+08:00)
2008-04-05 16:23:03
|
 |
|
ຜູ້ແທນອາເມລິກາແລະສປປເກົາຫລີຈະຟື້ນຟູການເຈລະຈາບັນຫານິວເຄຼຍໃນອາທິດໜ້າ
cri
Author: MO
ຕາມຂ່າວສານຊີນຮວາ: ວັນທີ 4 ເມສານີ້, ທ່ານທອມ ຄາເຊ ໂຄສົກກະຊວງການຕ່າງປະເທດອາເມລິກາກ່າວວ່າ, ທ່ານຄຼິສ໌ໂທເຟີ ຮິວ ຜູ້ຊ່ວຍລັດຖະມົນຕີກະຊວງການຕ່າງປະເທດອາເມລິກາ ຫົວໜ້າຄະນະຜູ້ແທນອາເມລິກາກ່ຽວກັບການເຈລະຈາ 6 ຝ່າຍບັນຫານິວເຄຼຍແຫຼມເກົາຫລີຈະຈັດການເຈລະຈາກັບທ່ານກິມເກກວນ ລັດຖະມົນຕີຊ່ວຍວ່າການກະຊວງການຕ່າງປະເທດສປປເກົາຫລີ ຫົວໜ້າຄະນະຜູ້ແທນສປປເກົາຫລີກ່ຽວກັບການເຈລະຈາ 6 ຝ່າຍຢູ່ສິງກະໂປໃນວັນທີ 8 ເມສານີ້.
ນີ້ແມ່ນອາເມລິກາກັບສປປເກົາຫລີຈັດການຫາລືບັນຫານິວເຄຼຍແຫຼມເກົາຫລີອີກເທື່ອໜຶ່ງພາຍໃນຂອບການເຈລະຈາ 6 ຝ່າຍ ຫຼັງຈາກທ່ານຮິວກັບທ່ານກິມເກກວນເຈລະຈາຢູ່ເຊີແນວໃນວັນທີ 13 ມີນາແລ້ວ. ໃນການເຈລະຈາຢູ່ເຊີແນວ, ອາເມລິກາກັບສປປເກົາຫລີໄດ້ຫາລືບັນຫາຕ່າງໆເຊັ່ນ ຮູບການແລະເນື້ອໃນທີ່ລາຍງານແຜນການນິວເຄຼຍຂອງສປປເກົາຫລີ, ລືບຊື່ສປປເກົາຫລີອອກຈາກບັນຊີລາຍຊື່"ປະເທດທີ່ສະໜັບສະໜູນລັດທິກໍ່ການຮ້າຍ"ແລະບັນຫາອື່ນໆ, ແຕ່ສອງຝ່າຍບໍ່ໄດ້ມີຄວາມເຫັນເປັນເອກະພາບກັນກ່ຽວກັບບັນຫາລະອຽດເຊັ່ນສປປເກົາຫລີລາຍງານແຜນການນິວເຄຼຍ.
|
|
|
