|
|
 |
| (GMT+08:00)
2008-04-05 16:33:41
|
 |
|
ກອງປະຊຸມລັດຖະມົນຕີການເງິນອາຊຽນກ່າວເນັ້ນຊຸກຍູ້ການຮ່ວມມືດ້ານການທະນາຄານໃນພາກພື້ນ
cri
Author: MO
ຕາມຂ່າວສານຊີນຮວາ: ກອງປະຊຸມລັດຖະມົນຕີກະຊວງການເງິນອາຊຽນຄັ້ງທີ 12 ທີ່ຈັດຢູ່ເມືອງດາໜັງ ພາກກາງຫວຽດນາມໃນວັນທີ 4 ເມສານີ້ໄດ້ອັດລົງແລ້ວ.
ຫຼັງກອງປະຊຸມ, ລັດຖະມົນຕີການເງິນຂອງ 10 ປະເທດອາຊຽນໄດ້ຖະແຫຼງ ວ່າ, ນັບແຕ່ປີ 2003 ອະຍຸມັດແຜນການເຊື່ອມໂຍງເຂົ້າກັນຂອງການທະນາຄານແລະເງິນຕາມານີ້, ອາຊຽນໄດ້ເພີ່ມທະວີລະບົບການທະນາຄານຂອງພາກພື້ນແລະຄວາມສາມາດທີ່ຮັບມືກັບຄວາມສ່ຽງ. ລັດຖະມົນຕີການເງິນຂອງປະເທດຕ່າງໆກ່າວວ່າຈະສືບຕໍ່ຊຸກຍູ້ການບໍລິການດ້ານການທະນາຄານຢ່າງເສລີແລະເປີດຕະຫຼາດເງິນທຶນຕໍ່ພາຍນອກ,ເປີດກວ້າງການຮ່ວມມືການທະນາຄານໃນພາກພື້ນ, ເພື່ອຍົກສູງລະດັບການແຂ່ງຂັນຂອງອາຊຽນ.
ຖະແຫຼງການຂຽນວ່າ, ລັດຖະມົນຕີກະຊວງການເງິນຂອງປະເທດຕ່າງໆຮັບປາກວ່າ ຈະເປີດປະຕູຂົງເຂດການບໍລິການການທະນາຄານຕົ້ນຕໍຕໍ່ພາຍນອກກ່ອນປີ 2015, ເພື່ອບັນລຸເປົ້າໝາຍເປັນປະຊາຄົມເສດຖະກິດອາຊຽນ.
ຖະແຫຼງການເຫັນວ່າ, ການເປີດຕະຫຼາດເງິນທຶນແມ່ນປັດໃຈສຳຄັນທີ່ຊຸກຍູ້ເສດຖະກິດເຕີບໂຕແລະສະໜັບສະໜູນເສດຖະກິດພາກພື້ນເຊື່ອມໂຍງເຂົ້າກັນ, ລັດຖະມົນຕີການເງິນປະເທດຕ່າງໆກ່າວຢ້ຳວ່າ, ໃຫ້ຄຳໝັ້ນສັນຍາເປີດຕະຫຼາດເງິນທຶນຕໍ່ພາຍນອກຕື່ມອີກ.
|
|
|
