|
ຕາມຂ່າວCRI:ວັນທີ8ເມສານີ້ ຕາມເວລາທ້ອງຖິ່ນ,ຢູ່ຊານຟຼານຊິສໂກ, ທ່ານນາງອານນີຕາ ເດີຟຼາງສ ຄົນອາເມລກິກາ ກຳມະການອາວຸໂຊຂອງຄະນະກຳມະການໂອລິມປິກສາກົນກ່າວວ່າ, ໄຟສັກສິດໂອລິມປິກແມ່ນຂອງກິລາໂອລິມປິກ,ຕໍ່ການກະທຳທີ່ລົບກວນການສົ່ງຕໍ່ທວນໄຟ, ນາງຮູ້ສຶກເປັນຫວ່ງຫຼາຍ.
ນາງເດີຟຼາງສແມ່ນໃຫ້ທັດສະນະດັ່ງກ່າວ ໃນກອງປະຊຸມອົບຮົມຜູ່ສົ່ງຕໍ່ທວນໄຟທີ່ເຂົ້າຮ່ວມການສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ຊານຟຼານຊິສໂກ. ໃນຖານະເປັນຜູ່ຕາງໜ້າຂອງທ່ານຣົກເກ ປະທານຄະນະກຳມະການໂອລິມປິກສາກົນ,ໃນກອງປະຊຸມດັ່ງກ່າວ,ນາງໄດ້ອະທິບາຍຄວາມໝາຍຂອງການສົ່ງຕໍ່ທວນໄຟໃຫ້ແກ່ຜູ່ສົ່ງຕໍ່ທວນໄຟຟັງຢ່າງລະອຽດ,ນາງກ່າວວ່າ,
"ໄຟສັກສິດໂອລິມປິກແມ່ນເປັນຂອງກິລາໂອລິມປິກ. ຜູ່ສົ່ງຕໍ່ທວນໄຟຢ່ແຫ່ງູນີ້ໄດ້ມີໂອກາດສຳຜັດກັບຄວາມອັດສະຈັນຂອງໄຟສັກສິດໂອລິມປິກ. ໄຟສັກສິດໂອລິມປິກເຊື່ອມຕໍ່ອະດີດ ແລະ ອະນາຄົດ, ມັນຂຶ້ນກັບຜູ່ຄົນທີ່ສະໜັບສະໜູນກິລາໂອລິມປິກ."
ຕໍ່ການກະທຳທີ່ຄົນຈຳນວນໜ້ອຍລົບກວນການສົ່ງຕໍ່ທວນໄຟຢູ່ລອນດອນ ແລະ ປາຣີ, ນາງເດີຟຼາງສກ່າວວ່າ,
"ຂ້າພະເຈົ້າເປັນຫ່ວງ, ມີຄົນຈຳນວນໜຶ່ງເຂົ້າໃຈຄວາມໝາຍແທ້ຈິງຂອງໄຟສັກສິດໂອລິມປິກ. ພວກເຂົາເຈົ້າຮູ້ສຶກບໍ່ເຂົ້າໃຈຄວາມໝາຍອັນດີງາມຂອງມັນ, ກ່ຽວກັບເລື່ອງນີ້, ຂ້າພະເຈົ້າຮູ້ສຶກເສຍໃຈຫຼາຍ."
|
