|
ຜູ້ບັນຊາການສຳນັກງານຕຳຫຼວດແຫ່ງຊາດຂອງໄທຖືກປົດຕຳແໜ່ງແລະຖືກສືບສວນຍ້ອນກ່ຽວພັນກັບການສໍ້ລາດບັງຫຼວງ
cri
Author: mo
ຕາມຂ່າວສານຈີນ: ຫວ່າງມໍ່ໆນີ້, ທ່ານສະໝັກ ສຸນທໍລະເວດ ນາຍົກລັດຖະມົນຕີໄທໄດ້ເຊັນເອກະສານ, ສັ່ງໃຫ້ປົດຕຳແໜ່ງທັງໝົດຂອງທ່ານເສລີ ພິສູດ ຜູ້ບັນຊາການຕຳຫຼວດແຫ່ງຊາດ, ເຊິ່ງລວມທັງຕຳແໜ່ງທາງລັດຊະການ. ແລະຕັ້ງຄະນະກຳມະການສືບສວນເພື່ອສືບສວນ 3 ຄະດີສໍ້ລາດບັງຫຼວງທີ່ທ່ານມີສ່ວນກ່ຽວຂ້ອງ.
ວັນທີ 29 ກຸມພາປີນີ້, ທ່ານສະໝັກ ສຸນທໍລະເວດໄດ້ສັ່ງໃຫ້ເຊົາຕຳແໜ່ງເພື່ອສືບສວນຕໍ່ນາຍພົນຕຳຫຼວດເອກເສລີ ພິສູດ, ແຕ່ບໍ່ໄດ້ປົດຕຳແໜ່ງ, ຈົນມາຮອດວັນທີ 8 ເມສານີ້, ທ່ານນາຍົກຈິ່ງໄດ້ເຊັນລັດຖະດຳລັດ, ປົດຕຳແໜ່ງທາງລັດຊະການທັງໝົດຂອງພົນຕຳຫຼວດເອກ, ເຊິ່ງລວມທັງຕຳແໜ່ງໃນສຳນັກງານຕຳຫຼວດແຫ່ງຊາດ ແລະຕຳແໜ່ງລັດຊະການທີ່ພື້ນຖານທີ່ສຸດ. ປັດຈຸບັນ, ຍັງບໍ່ໄດ້ແຕ່ງຕັ້ງຜູ້ບັນຊາການສຳນັກງານຕຳຫຼວດແຫ່ງຊາດຜູ້ໃໝ່ເທື່ອ.
|
|
