|
|
 |
| (GMT+08:00)
2008-04-11 18:32:54
|
|
ທ່ານຊາມາລານສ໌ຄັດຄ້ານການສວຍໃຊ້ໂອລິມປິກດ້ວຍຈຸດປະສົງການເມືອງ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ທ່ານອານໂທນິໂອ ຊາມາລານສ໌ ປະທານກິຕິມະສັກຂອງຄະນະກຳມະການໂອລິມປິກສາກົນໃຫ້ສຳພາດໂດຍສະເພາະກ່ຽວກັບບັນຫາຕ່າງໆເຊັ່ນງານກິລາໂອລິມປິກປັກກິ່ງເປັນຕົ້ນຕໍ່ສື່ມວນຊົນແອສປາຍ, ທ່ານກ່າວວ່າ, ຫຼັງຈັດງານກິລາໂອລິມປິກ, ຈີນຈະເປີດປະຕູຫຼາຍກວ່າເກົ່າ, ທ່ານຄັດຄ້ານການກະທຳທີ່ສວຍໃຊ້ງານກິລາໂອລິມປິກດ້ວຍຈຸດປະສົງທາງການເມືອງ.
ທ່ານຊາມາລານສ໌ຍ້ອງຍໍວ່າ ວຽກງານຈັດຕັ້ງຂອງງານກິລາໂອລິມປິກປັກກິ່ງດີເດັ່ນທີ່ສຸດ.
ພ້ອມກັນນັ້ນ, ທ່ານຊາມາລານສ໌ກ່າວວ່າ, ຫຼັກການທີ່ຄະນະກຳມະການໂອລິມປິກສາກົນປະຕິບັດນັ້ນແມ່ນ: ບໍ່ໃຫ້ມີການແບ່ງແຍກເຊື້ອຊາດ ສາສະໜາ ແລະການເມືອງ. ຫຼາຍໆປະເທດທີ່ຕິຕຽນປະເທດອື່ນບໍ່ເຄົາລົບສິດທິມະນຸດນັ້ນຄວນສຳຫຼວດຕົນເອງ, ບໍ່ຄວນສວຍໃຊ້ງານກິລາໂອລິມປິກໂດຍມີຈຸດປະສົງດ້ານການເມືອງ.
|
|
|
