|
|
 |
| (GMT+08:00)
2008-04-12 16:39:36
|
 |
|
ໄຟສັກສິດຂອງງານກິລາໂອລິມປິກປັກກິ່ງສົ່ງໄປຮອດດາໄລສ໌ຊາລາມ
cri
Author: mo
ຕາມຂ່າວCRI: ຕອນຄ່ຳວັນທີ 11 ເມສານີ້, ເວລາທ້ອງຖິ່ນ, ຍົນພິເສດຊື່"ໄຟສັກສິດໂອລິມປິກ"ທີ່ບັນທຸກໄຟສັກສິດຂອງງານກິລາໂອລິມປິກປັກກິ່ງໄດ້ອອກຈາກບູນົສອາຍເລັສ ນະຄອນຫຼວງຂອງອາກຊັງຕີນ, ເດີນທາງໄປດາກແອດສະລຳ ນະຄອນຫຼວງຂອງຕັງຊານີ ບ່ອນທີ 8 ທີ່ສົ່ງຕໍ່ທວນໄຟໂອລິມປິກຢູ່ນອກດິນຈີນ.
ບູນົສອາຍເລັສ ແມ່ນບ່ອນທີ 7 ທີ່ສົ່ງຕໍ່ທວນໄຟໂອລິມປິກປັກກິ່ງ. ການສົ່ງຕໍ່ໄດ້ດຳເນີນເປັນເວລາ 2 ຊົ່ວໂມງເຄິ່ງ, ເລີ່ມຈາກໂຮງລະຄອນວົງກົມກາງແຈ້ງຂອງສວນສາທາລະນະຊີວະພາບເຂດໃໝ່ເມືອງທ່າ, ຈຸດໝາຍປາຍທາງຢູ່ສະໂມສອນຂີ່ມ້າ. ລວມມີ 80 ຄົນເຂົ້າຮ່ວມການສົ່ງຕໍ່, ໃນນັ້ນ, ຜູ້ສົ່ງຕໍ່ຜູ້ທຳອິດແມ່ນທ້າວຄາລົສ ເອສພິໂນລາ ນັກກິລາເຮືອໃບທີ່ມີຊື່ສຽງຂອງອາກຊັງຕີນ, ຜູ້ສຸດທ້າຍແມ່ນທ້າວກາເບຼຍລາ ຊາບາທີນີ ນັກກິລາເທັນນິສທີ່ມີຊື່ສຽງຂອງອາກຊັງຕີນ.
ວັນທີ 13 ເມສານີ້, ການສົ່ງຕໍ່ທວນໄຟຂອງງານກິລາໂອລິມປິກປັກກິ່ງຈະຈັດຢູ່ນະຄອນຫຼວງດາກແອດສະລຳ.
|
|
|
