|
IMFຮຽກຮ້ອງໃຫ້ຮ່ວມມືລະຫວ່າງຊາດເພື່ອຮັບມືກັບການທ້າທາຍທີ່ເສດຖະກິດໂລກປະເຊີນ
cri
Author: mo
ຕາມຂ່າວCRI: ວັນທີ 12 ເມສານີ້, ຄະນະກຳມະການເງິນຕາແລະການທະນາຄານສາກົນ ຊື່ງເປັນອົງການຕັດສິນນະໂຍບາຍຂອງອົງການກອງທຶນເງິນຕາສາກົນຫຼືIMFກ່າວເນັ້ນວ່າ, ການທ້າທາຍທີ່ເສດຖະກິດໂລກປະເຊີນແມ່ນມີລັກສະນະທົ່ວໂລກ, ຮັບມືກັບການທ້າທາຍເຫຼົ່ານີ້ຕ້ອງການການເຄື່ອນໄຫວທີ່ແຂງແຮງແລະການຮ່ວມມືຢ່າງໃກ້ຊິດລະຫວ່າງສະມາຊິກຕ່າງໆ.
ພາຍຫຼັງຈັດກອງປະຊຸມລະດັບລັດຖະມົນຕີເທື່ອທີ 17 ຢູ່ວໍຊີງຕັນໃນວັນທີ 12 ເມສານີ້ແລ້ວ, ຄະນະກຳມະການດັ່ງກ່າວອອກຖະແຫຼງການວ່າ, ຄວາມບໍ່ໝັ້ນທ່ຽງດ້ານການທະນາຄານຂອງໂລກເພີ່ມຂຶ້ນ, ເສດຖະກິດໂລກເຕີບໂຕຊ້າລົງ, ປີນີ້ແລະປີໜ້າມີອະນາຄົດເຕີບໂຕຊຸດຮ້າຍລົງ. ສະນັ້ນ, ຜູ້ຕັດສິນນະໂຍບາຍຄວນສືບຕໍ່ໃຊ້ມາດຕະການແກ້ໄຂວິກິດການການທະນາຄານ, ສະໜັບສະໜູນການເຕີບໂຕດ້ານເສດຖະກິດ, ແລະຮັບປະກັນການຄວບຄຸມໄພເງິນເຟີ້ໃຫ້ໄດ້.
ທ່ານໂຈ່ວສຽວສວນ ຜູ້ວ່າການທະນາຄານປະຊາຊົນຈີນກ່າວໃນກອງປະຊຸມວ່າ, ປີ 2008, ເສດຖະກິດໂລກໄດ້ປະເຊີນກັບຄວາມບໍ່ແນ່ນອນຫຼາຍຢ່າງ, ໃນນັ້ນ, ບັນຫາໃຫຍ່ກວ່າໝູ່ກໍ່ແມ່ນວິກິດການເງິນກູ້ຂອງອາເມລິກາພາໃຫ້ເກີດຄວາມວຸ້ນວາຍໃນຕະຫຼາດການທະນາຄານ.
|
|
