ນັກທ່ອງທ່ຽວອາເມລິກາທີ່ທ່ຽວຢູ່ຕິເບດກ່າວວ່າຕຳຫຼວດຈີນແມ່ນປະຕິບັດໜ້າທີ່ເພື່ອຟື້ນຟູຄວາມເປັນລະບຽບຮຽບຮ້ອຍ
cri
ຕາມຂ່າວສານຊິນຮວາ,ໃນເວລາໃຫ້ສຳພາດຕໍ່ນັກຂ່າວຈີນໃນຫວ່າງມໍ່ໆນີ້,ທ່ານຈິມເຄຼສຕັນ ນັກທ່ອງທ່ຽວອາເມລິກາທີ່ເຫັນເຫດການຈະລາຈົນ14ມີນາທີ່ລາຊາກັບຕາກ່າວວ່າ,ການທີ່ໃຊ້ຄຳວ່າ"ປາບປາມ"ມາຕີລາຄາລັດຖະບານຈີນຈັດການກັບເຫດການຈະລາຈົນທີ່ລາຊາຕິເບດນັ້ນແມ່ນບໍ່ຖືກຕ້ອງ,ເພາະຕຳຫຼວດຈີນແມ່ນປະຕິບັດໜ້າທີ່,ເຮັດໃຫ້ນະຄອນລາຊາຟື້ນຟູສູ່ຄວາມເປັນລະບຽບຮຽບຮ້ອຍແລະຄວາມສະຫງົບ.ທ່ານຍັງກ່າວເນັ້ນອີກວ່າ,ພວກຂ້າພະເຈົ້າບໍ່ໄດ້ເຫັນກອງທະຫານ,ບໍ່ມີຄົນຖືອາວຸດແມ່ນແຕ່ຕຳຫຼວດປະຈຳປ້ອມກວດກາກໍ່ຍັງບໍ່ໄດ້ຖືອາວຸດເລີຍ.
ທ່ານເຄຼສຕັນຍັງໄດ້ສະແດງຄວາມເສຍດາຍແລະບໍ່ພໍໃຈຕໍ່ສື່ມວນຊົນອາເມລິກາເຊິ່ງລວມທັງCNNທີ່ລາຍງານຂ່າວບິດເບືອນເຫດການຈະລາຈົນ14ມີນາ.ທ່ານຍົກຕົວຢ່າງວ່າ,ໜັງສືພິມຫຼາຍສະບັບຂອງອາເມລິກາລ້ວນແຕ່ເຄີຍລົງພິມຮູບພາບທີ່ທະຫານໃຊ້ໄມ້ຄ້ອນທຸບຕີຜູ່ສະແດງກຳລັງຈຳນວນໜຶ່ງແລະບອກວ່ານັ້ນແມ່ນທະຫານຈີນ,ແຕ່ຂ້າພະເຈົ້າໄດ້ເຫັນທະຫານຈີນ,ຮູ້ດີວ່າເຂົາເຈົ້າແມ່ນນຸ່ງເຄື່ອງແບບໃດ,ຄວາມຈິງແລ້ວຄົນໃນພາບນັ້ນລ້ວນແຕ່ແມ່ນທະຫານເນປານ.
|
|