|
ກອງທະຫານປະສົມອາເມລິກາອີຣັກກັບກອງທະຫານມາຣດີໄດ້ສູ້ກັນຢ່າງດຸເດືອດ
cri
ຕາມຂ່າວCRI,ວັນທີ19ເມສານີ້,ຢູ່ແຫ່ງຕ່າງໆຂອງອີຣັກເຊັ່ນນະຄອນຫຼວງແບກແດດແລະເມືອງບາສລາ ພາກໃຕ້ອີຣັກເປັນຕົ້ນ,ກອງທະຫານປະສົມອາເມລິກາອີຣັກກັບກອງທະຫານມາຣດີ ກອງປະກອບອາວຸດ ນິກາຍຊີ່ອະຂອງອີຣັກໄດ້ ສູ້ກັນຢ່າງດຸເດືອດ,ເຮັດໃຫ້ຫຼາຍສິບຄົນຕາຍແລະບາດເຈັບ.
ວັນທີ19ເມສານີ້,ທ່ານມຸກຕາດາ ອັນ ຊາເດີ ຜູ່ນຳຂະບວນການຊາເດີຕົ້ນສັງກັດຂອງກອງທະຫານມາຣດີໄດ້ອອກຖະແຫຼງການວ່າ,ຖ້າກອງທະຫານອາເມລິກາປະຈຳອີຣັກແລະລັດຖະບານອີຣັກສືບຕໍ່ໂຈມຕີຜູ່ຕິດຕາມຂອງທ່ານຊາເດີ,ເຂົາຈະເປີດສົງຄາມກັບລັດຖະບານອີຣັກ.
|
|
