|
ຕາມຂ່າວສານຊິນຮວາ: ວັນທີ24ເມສານີ້ ຢູ່ຮ່າໂນ້ຍນະຄອນຫຼວງຫວຽດນາມ ທ່ານນົງດຶກແໝ້ງ ເລຂາທິການໃຫຍ່ສູນກາງພັກກອມມູນິດຫວຽດນາມແລະທ່ານຫງວຽນເຕິນຢຸງ ນາຍົກລັດຖະມົນຕີຫວຽດນາມໄດ້ພົບປະທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນທີ່ໄປຢ້ຽມຢາມ.
ໃນການພົບປະ ທ່ານນົງດຶກແໝ້ງກ່າວວ່າ,ຫວຽດນາມຮູ້ສຶກເພິ່ງພໍໃຈຕໍ່ການພົວພັນຫວຽດນາມຈີນ,ພາຍໃຕ້ການຊີ້ນຳຂອງທິດທາງທີ່ມີ"ສະຖຽນລະພາບອັນຍາວນານ ອວ່າຍໜ້າໄປສູ່ອະນາຄົດ ມີໄມຕີຈິດຖານບ້ານໃກ້ເຮືອນຄຽງ ແລະຮ່ວມມືຮອບດ້ານ",ຫວຽດນາມແລະຈີນຄວນຍົກການພົວພັນສອງຝ່າຍຂຶ້ນສູ່ລະດັບໃໝ່,ເຮັດໃຫ້ສອງປະເທດມີມິດຕະພາບໃນທຸກເຊັ່ນຄົນຕະຫຼອດໄປ.
ທ່ານຫງວຽນເຕິນຢຸງກ່າວວ່າ,ສອງປະເທດຄວນຮ່ວມກັນວາງແຜນຮ່ວມມືທາງເສດຖະກິດການຄ້າ,ຊຸກຍູ້ການແລກປ່ຽນຕົວຈິງໃນຂົງເຂດຕ່າງໆ,ຊຸກຍູ້ໃຫ້ການພົວພັນລະຫວ່າງສອງຝ່າຍຂະຫຍາຍໄປໜ້າຢ່າງບໍ່ຢຸດຢັ້ງ,ສ້າງຄວາມສຸກໃຫ້ແກ່ປະຊາຊົນສອງປະເທດ.
ທ່ານຢາງເຈຊືຂອບອົບຂອບໃຈການສະໜັບສະໜູນເປັນເວລາຍາວນານຂອງຫວຽດນາມໃນບັນຫາໄຕ້ຫວັນແລະບັນຫາຕິເບດ,ທ່ານເຊື່ອວ່າ ພາຍໃຕ້ການຈັດວາງແຜນຢ່າງລະອຽດຂອງຫວຽດນາມ,ການສົ່ງຕໍ່ທວນໄຟໂອລິມປິກປັກກິ່ງຢູ່ນະຄອນໂຮຈິມິນຍ່ອມຈະໄດ້ຮັບໝາກຜົນຢ່າງເຕັມເມັດເຕັມໜ່ວຍ.
|
