|
ຫວຽດນາມເກີດພະຍາດຫູໝູສີຄາມ ຈະຫ້າມຂາຍໝູດິບໃຫ້ຈີນ
cri
Author: cai
ຕາມຂ່າວສານຈີນ:ເພື່ອປ້ອງກັນບໍ່ໃຫ້ພະຍາດຫູໝູສີຄາມແຜ່ລະບາດໄປຮອດປະເທດອື່ນ,ເຈົ້າໜ້າທີ່ຫວຽດນາມຕົກລົງວ່າ,ນັບແຕ່ວັນທີ 26 ເມສານີ້ເປັນຕົ້ນໄປ,ຫ້າມຂາຍໝູດິບໃຫ້ຈີນ.
ໃນເດືອນມິຖຸນາປີກາຍນີ້,ພະຍາດດັ່ງກ່າວໄດ້ເກີດຢູ່ຫວຽດນາມ,ແລະແຜ່ລະບາດຢູ່ຫຼາຍແຫ່ງພາຍໃນປະເທດຫວຽດນາມ.ກົມອະນາໄມຂອງສັດທີ່ຂຶ້ນກັບກະຊວງກະສິກຳຫວຽດນາມຊີ້ອອກວ່າ,ນັບແຕ່ຕົ້ນປີນີ້ມາ,ໃນ 10 ແຂວງ,ມີໝູ 2 ແສນ 1 ໝື່ນ 5 ພັນກວ່າໂຕຕິດເຊື້ອພະຍາດ,ກວມບໍ່ຮອດ 1% ໃນທົ່ວປະເທດ.ແຕ່ວ່າ,ສິ່ງທີ່ໜ້າເປັນຫ່ວງນັ້ນແມ່ນ,ພະຍາດດັ່ງກ່າວມີທ່ວງທ່າແຜ່ລະບາດໄວກວ່າເກົ່າຢູ່ພາກເໜືອຫວຽດນາມ.
|
|
