|
ຜູ້ບັນຊາການສູງສຸດຂອງກອງທັບໄທບໍ່ຮັບຮູ້ວ່າ ທະຫານວາງແຜນກໍ່ລັດຖະປະຫານ
cri
Author: mo
ຕາມຂ່າວສານຊີນຮວາ: ວັນທີ 25 ເມສານີ້, ພົນເອກ ບຸນສະລ້າງ ນຽມປະດິດ ຜູ້ບັນຊາການທະຫານສູງສຸດໄທກ່າວວ່າ, ອັນທີ່ວ່າຝ່າຍທະຫານພວມວາງແຜນກໍ່ລັດຖະປະຫານເພື່ອໂຄນລົ້ມລັດຖະບານຂອງທ່ານສະໝັກ ສຸນທໍລະເວດນັ້ນ ແມ່ນບໍ່ມີຄວາມຈິງ. ທ່ານກ່າວເນັ້ນວ່າ, ນອກຈາກສະຖານະການທີ່ອັນຕະລາຍແທ້ໆ, ຖ້າບໍ່ດັ່ງນັ້ນ, ຝ່າຍທະຫານຈະບໍ່ເຂົ້າຫຍຸ້ງກ່ຽວການເມືອງ.
ວັນທີ 25 ເມສານີ້ ຢູ່ບາງກອກ, ພົນເອກ ບຸນສະລ້າງ ນຽມປະດິດ ໃຫ້ສຳພາດຕໍ່ສື່ມວນຊົນວ່າ, ກອງທັບບໍ່ມີເຈຕະນາກໍ່ລັດຖະປະຫານໃດໆ, ແລະກໍ່ບໍ່ມີແຜນການໃດໆກ່ຽວກັບການຊັບຊ້ອນທາງການທະຫານແລະສັບປ່ຽນການເວນຍາມ, ອັນທີ່ວ່າທະຫານພວມວາງແຜນກໍ່ລັດຖະປະຫານທີ່ຊ່າລືໃນຫວ່າງມໍ່ໆນີ້ແມ່ນ"ບໍ່ມີຫຼັກອ້າງອິງ, ແມ່ນຄຳຂີ້ຕົວະແທ້ໆ".
ເມື່ອນັກຂ່າວຖາມເຖິງບັນຫາທີ່ສະຫະພັນປະຊາທິປັດປະຊາຊົນຈະຈັດການຊຸມນຸມປະທ້ວງຕ້ານລັດຖະບານຂະໜາດໃຫຍ່ຈະພາໃຫ້ເກີດຄວາມວຸ້ນວາຍໃນສັງຄົມຫຼືບໍ່, ພົນເອກ ບຸນສະລ້າງ ນຽມປະດິດ ກ່າວວ່າ, ຝ່າຍທະຫານບໍ່ເປັນຫ່ວງນຳເລື່ອງນີ້, ແລະຄາດວ່າ, ການຊຸມນຸມຈະບໍ່ເກີດການປະທະກັນ.
|
|
