|
ຕາມຂ່າວ CRI : ຫວ່າງມໍ່ໆນີ້,ສື່ມວນຊົນຂອງປະເທດຕາເວັນຕົກຈຳນວນຫນຶ່ງໄດ້ພິມບົດຄວາມ,ຕິຕຽນການກະທຳຂອງປະເທດຕາເວັນຕົກໃນບັນຫາຕິເບດ.
ວາລະສານນິວສວິກອາເມລິກາໄດ້ພິມບົດຄວາມທີ່ມີຫົວຂໍ້ວ່າ:ປະເທດຕາເວັນຕົກຄວນໂຄລົບຕິເບດໃນສາຍຕາຂອງຄົນຈີນ.ບົດຄວາມຂຽນວ່າ,ຂໍພຽງ ແຕ່ຜູ່ນຳຂອງປະເທດຕາເວັນຕົກເລີ່ມພະຍາຍາມເຂົ້າໃຈຄົນຈີນທໍ່ນັ້ນ,ຖ້າບໍ່ດັ່ງນັ້ນ,ຄວາມເຫັນທີ່ຂັດແຍ່ງກັນລະຫວ່າງຈີນກັບປະເທດຕາເວັນຕົກຈຳນວນຫນຶ່ງອາດຈະນັບມື້ນັບດຸເດືອດຂຶ້ນ.ບົດຄວາມຍັງຊີ້ອອກວ່າ,ຖ້າຜູ່ນຳເອີລົບຢາກສະແດງຄວາມກ້າຫານທາງການເມືອງຢ່າງແທ້ຈິງ,ເຂົາເຈົ້າກໍຕ້ອງເຂົ້າຮ່ວມພິທີໄຂງານກິລາໂອລິມປິກປັກກິ່ງ.ການເຮັດແບບນີ້ຈະສົ່ງເສີມໃຫ້ຈີນສືບຕໍ່ເປີດປະຕູແລະເຊື່ອມໂຍງເຂົ້າກັບໂລກ.
ວັນທີ 25 ເມສານີ້,ຫນັງສືພິມຈຸງເວວເຢຍລະມັນໄດ້ພິມບົດຄວາມໂດຍຂຽນວ່າ,ວັດທະນະທຳຕິເບດບໍ່ໄດ້ຖືກດັບສູນແຕ່ປະການໃດ,ບົດຄວາມຍັງກ່າວເນັ້ນວ່າ,ປະຊາຊົນເຜົ່າຕິເບດວ່າຄັດຄ້ານການແບ່ງແຍກ.
ໃນເວລາທ່ານແຟງຣັງ ຊີເຣັນ ອະດີດນັກຂ່າວຂອງວາລະສານເວີຊາບສະໂວກຈ໌ເຢຍລະມັນປະຈຳປັກກິ່ງໄດ້ໃຫ້ສຳພາດຕໍ່ນັກຂ່າວນັ້ນ,ທ່ານກ່າວວ່າ,ສື່ມວນຊົນຂອງປະເທດຕາເວັນຕົກໄດ້ໃຊ້ທ່າອ່ຽງເບິ່ງບັນຫາແບບດ້ານດຽວກ່ຽວກັບຕິເບດນັ້ນແມ່ນຍ້ອນວ່າດ້ານຫນຶ່ງປະເທດຕາເວັນຕົກຢ້ານຈີນເຂັ້ນແຂງກວ່າ,ອີກດ້ານຫນຶ່ງແມ່ນປະເທດຕາເວັນຕົກມີຄວາມເຫັນແບບບໍ່ຖືກຕ້ອງຕາມຄວາມຈິງກ່ຽວກັບສະພາບຕົວຈິງໃນຕິເບດ.ສະພາບທີ່ບໍ່ດີຕ່າງໆໃນຕິເບດທີ່ຢູ່ໃນຄວາມສຳນຶກຂອງປະເທດຕາເວັນຕົກນັ້ນແມ່ນບໍ່ເປັນຄວາມຈິງເລີຍ.
|
