|
|
 |
| (GMT+08:00)
2008-04-28 20:41:48
|
 |
|
ຈີນກ່າວວ່າສະໜັບສະໜູນການປະຕິບັດສົນທິສັນຍາບໍ່ແຜ່ຜາຍອາວຸດນີວເຄຼຍໃຫ້ໄດ້ຜົນກວ່າເກົ່າ
cri
ຕາມຂ່າວCRI,ວັນທີ28ເມສານີ້,ທ່ານເສິງຈິງເຢ້ ຫົວໜ້າກົມຄວບຄຸມກຳລັງລົບກະຊວງການຕ່າງປະເທດຈີນ ຫົວໜ້າຄະນະຜູ່ແທນຈີນທີ່ເຂົ້າຮ່ວມກອງປະຊຸມກະກຽມເທື່ອທີສອງຂອງກອງປະຊຸມຄົ້ນຄວ້າພິຈາລະນາສົນທິສັນຍາບໍ່ແຜ່ຜາຍອາວຸດນີວເຄຼຍຄັ້ງທີ8ຢູ່ທີ່ເຊີແນວ.ທ່ານກ່າວວ່າ,ຈີນສະໜັບສະໜູນ ການເພີ່ມລັກສະນະທົ່ວໄປໃນການປະຕິບັດ ການບັງຄັບໃຊ້ແລະຜົນສັກສິດຂອງສົນທິສັນຍາບໍ່ແຜ່ຜາຍອາວຸດນີວເຄຼຍ.
ທ່ານເສິງຈິ້ງເຢ້ກ່າວວ່າ,ສົນທິສັນຍາບໍ່ແຜ່ຜາຍອາວຸດນີວເຄຼຍເປັນສົນທິສັນຍາລະດັບໂລກທີ່ກວມລວມກວ່າໝູ່,ໄດ້ເສີມຂະຫຍາຍບົດບາດທີ່ເຂົ້າແທນບໍ່ໄດ້ໃນການປ້ອງກັນບໍ່ໃຫ້ແຜ່ຜາຍອາວຸດນີວເຄຼຍ,ຊຸກຍູ້ຂະບວນການຫຼຸດກຳລັງລົບນີວເຄຼຍແລະຊຸກຍູ້ການນຳໃຊ້ພະລັງງານນີວເຄຼຍເຂົ້າໃນທາງສັນຕິ,ເຊິ່ງໄດ້ຊຸກຍູ້ສັນຕິພາບແລະຄວາມໝັ້ນຄົງຂອງໂລກຢ່າງບັງເກີດຜົນ.ຈີນຫວັງໃຫ້ປະຊາຄົມໂລກຈົ່ງກຳໂອກາດສຳຄັນຂອງຂະບວນການຄົ້ນຄວ້າພິຈາລະນາຮອບໃໝ່,ອອກແຮງເພິ່ມທະວີການຮ່ວມມືກັນ,ຊຸກຍູ້ການປ້ອງກັນບໍ່ໃຫ້ແຜ່ຜາຍອາວຸດ,ການຫຼຸດກຳລົງລົບດ້ານນີວເຄຼຍແລະການນຳໃຊ້ພະລັງງານນີວເຄຼຍເຂົ້າໃນທາງສັນຕິເຊິ່ງເປັນສາມເສົາຄ້ຳໃຫຍ່ນັ້ນຢ່າງຮອບດ້ານແລະຄຽງຄູ່ກັນໄປ.
|
|
|
