|
|
 |
| (GMT+08:00)
2008-04-29 10:37:51
|
 |
|
ທວນໄຟກິລາໂອລິມປິກປັກກິ່ງສົ່ງໄປຮອດນະຄອນໂຮຈີມິນແຫ່ງຫວຽດນາມແລ້ວ
cri
|
ຕາມຂ່າວCRI, ຕອນຄ່ຳວັນທີ28ເມສານີ້ເວລາທ້ອງຖິ່ນ, ຍົນພິເສດທີ່ບັນທຸກທວນໄຟກິລາໂອລິມປິກປັກກິ່ງໄດ້ບິນຈາກພຽງຢາງ ນະຄອນຫຼວງສປປເກົາຫຼີໄປຮອດນະຄອນໂຮຈີມີນແຫ່ງຫວຽດນາມຕາມແຜນການ. ໃນຕອນບ່າຍວັນທີ29ເມສານີ້, ທວນໄຟຈະສົ່ງຕໍ່ກັນໄປຢູ່ນະຄອນໂຮຈີມິນ ບ່ອນທີ19ທີ່ສົ່ງຕໍ່ຢູ່ຕ່າງປະເທດ.
ທ່ານຫູຊຽນເວີນ ເອກອັກຄະລັດຖະທູດຈີນປະຈຳຫວຽດນາມ ທ່ານສີມິງລ້ຽງ ກົງສູນໃຫຍ່ຈີນປະຈຳນະຄອນໂຮຈີມິນພ້ອມດ້ວຍພະນັກງານສະຖານທູດຈີນແລະສະຖານກົງສູນຈີນ, ທ່ານຫງວຽນຫວງນັງ ຫົວໜ້າພະແນກກິລານະຄອນໂຮຈີມິນ, ທ່ານຫວງວິນກາງ ຮອງປະທານຄະນະກຳມະການໂອລິມປິກຫວຽດນາມແລະຜູ້ຕາງໜ້າກຳມະກອນຈີນຢູ່ຫວຽດນາມລວມທັງໝົດເກືອບ100ຄົນໄດ້ໄປຕ້ອນຮັບທວນໄຟກິລາໂອລິມປິກຢູ່ສະໜາມບິນ.
ອີງຕາມແຜນການ, ການສົ່ງຕໍ່ທວນໄຟຈະເລີ່ມຕົ້ນຈາກໂຮງລະຄອນໃຫຍ່ຢູ່ໃຈກາງນະຄອນໂຮຈີມິນ, ຜ່ານສິ່ງກໍ່ສ້າງສຳຄັນຫຼາຍບ່ອນທີ່ເປັນສິລະປະຕາເວັນອອກແລະຕາເວັນຕົກ, ແລະຈະໄປສຸດຢູ່ສະໜາມກິລາໃນຮົ່ມເຂດທະຫານທີ7, ໄລຍະທາງ10ກວ່າກິໂລແມັດ.
1 2
|
|
|
