|
ຕາມຂ່າວCRI:ຫວ່າງມໍ່ໆນີ້,ຜູ່ຊ່ຽວຊານ ນັກວິຊາການແລະຜູ່ອ່ານ ຂອງປະເທດຕາເວັນຕົກຈຳນວນຫນຶ່ງໄດ້ຂຽນບົດຄວາມຫຼືໃຫ້ສຳພາດ, ຕິຕຽນການກະທຳຂອງປະເທດຕາເວັນຕົກໃນບັນຫາຕິເບດ.
ຫວ່າງມໍ່ໆນີ້,ທ່ານຄອນຣາດ ເຊດ ອະດີດເອກອັກຄະລັດຖະທູດເຢຍລະມັນປະຈຳຈີນໄດ້ຂຽນບົດຄວາມລົງໃນຫນັງສືພິມຊຸດດອຍສ໌ ເຊຕຸງຂອງ ເຢຍລະມັນ,ຕິຕຽນສື່ມວນຊົນເຢຍລະມັນຈຳນວນຫນຶ່ງລາຍງານຂ່າວຈີນແບບດ້ານດຽວ,ຈຶ່ງເຮັດໃຫ້ຜູ່ອ່ານເຢຍລະມັນບໍ່ສາມາດຮູ້ເຖິງຄວາມກ້າວ ຫນ້າອັນໃຫຍ່ຫຼວງຂອງຈີນຢ່າງຮອບດ້ານ
ວັນທີ 23 ເມສານີ້, ສາດສະດາຈານຮາໂຣ ວົນ ເຊັນເຈີ ນັກນິຕິ ສາດ ນັກຈີນສຶກສາຂອງມະຫາວິທະຍາໄລອານເບີດ ລຸດວິກ ແຟຣດເບີກຂອງເຢຍມະມັນໄດ້ຂຽນບົດຄວາມລົງໃນຫນັງສືພິມບາດິສເຊ ເຊຕຸງ,ຕຳນິປະເທດຕາເວັນຕົກທີ່ໃຊ້ທັດສະນະທ່າທີສອງຢ່າງທີ່ຕ່າງກັນໃນບັນຫາຕິເບດ. ທ່ານກ່າວຢ້ຳວ່າ,ຕິເບດແມ່ນພາກສ່ວນຫນຶ່ງຂອງຈີນ,ທ່ານມີທ່າທີສົງໄສຕໍ່ການກະທຳຂອງປະເທດຕາເວັນຕົກທີ່ຖືຄວາມເຫັນຂອງຕົນຖືກຕ້ອງສະເຫນີແລະແຊກແຊງວຽກງານພາຍໃນຂອງປະເທດອື່ນ.
ຫວ່າງມໍ່ໆນີ້,ໃນເວລາທ່ານນໍແມນ ດ.ເລວິນ ນັກວິເຄາະນະໂຍບາຍສາກົນຂອງບໍລິສັດພັດທະນາແລະສຳຫຼວດແຣນຂອງອາເມລິກາໄດ້ໃຫ້ສຳພາດນັ້ນ,ທ່ານກ່າວວ່າ,ປະຈຸບັນ ໃນໂລກນີ້ບໍ່ມີປະເທດໃດຍິນດີລົງໂທດຈີນດ້ວຍຄ່າຕອບແທນທີ່ທຳລາຍການພົວພັນອັນເປັນປົກກະຕິກັບຈີນ.ທ່ານກ່າວວ່າ,ທີ່ຈິງແລ້ວ,ການລົງໂທດຈີນກໍເປັນເລື່ອງຍາກທີ່ຈະໄດ້ຮັບຜົນຕາມຄາດຫມາຍ.
|
