|
|
 |
| (GMT+08:00)
2008-05-03 18:50:55
|
 |
|
ຟີລິບປິນວາງແຜນບັນລຸການກຸ້ມຕົນເອງໃນດ້ານເຂົ້າພາຍໃນ3ປີ
cri
ຕາມຂ່າວສານຊິນຮວາ,ວັນທີ2ພຶດສະພານີ້,ລັດຖະບານຟີລິບປິນໄດ້ເຊັນສັນຍາຮ່ວມມືກັບສະຖາບັນຄົ້ນຄວ້າເຂົ້ານາສາກົນທີ່ສຳນັກງານໃຫຍ່ຕັ້ງຢູ່ພາກເໜືອຟີລິບປິນ,ຫວັງຢາກໃຊ້ເຕັກນິກຂອງສະຖາບັນແຫ່ງນີ້ສະໜັບສະໜູນໃຫ້ຟີລິບປິນບັນລຸການຜະລິດເຂົ້າໃກ້ກຸ້ມຕົນເອງພາຍໃນ3ປີ.
ທ່ານອາເຊີເຊ ຢັບ ລັດຖະມົນຕີວ່າການກະຊວງກະສິກຳຟີລິບປິນກ່າວວ່າ,ເນື້ອໃນການຮ່ວມມືລະຫວ່າງລັດຖະບານຟີລິບປິນກັບສະຖາບັນຄົ້ນຄວ້າເຂົ້ານາສາກົນລວມທັງບົ່ມເພາະພັນເຂົ້າທີ່ມີຜົນຜະລິດສູງແລະຕ້ານແລ້ງຕ້ານຖ້ວມ,ຊອກຫາແລະຈັດວາງທີ່ດິນທີ່ເໝາະສຳລັບການປູກເຂົ້າ,ປັບປຸງເຕັກນິກລະບາຍນ້ຳເຂົ້ານາແລະໃຊ້ຝຸ່ນເຄມີທີ່ມີປະສິດທິພາບສູງ.
ທ່ານອາເຊີ ເຊ ຢັບ ກ່າວວ່າ,ລັດຖະບານຟີລິບປິນຫວັງໃຫ້ມາດຕະການເຫຼົ່ານີ້ຈະສາມາດເພີ່ມຜົນຜະລິດສະເລ່ຍຕໍ່ເນື້ອທີ່ປູກເຂົ້າແຕ່ລະຫົວໜ່ວຍໃຫ້ຫຼາຍຂຶ້ນຢ່າງຫຼວງຫຼາຍ.ທ່ານຍັງກ່າວວ່າ,ທ່ານນາງກຼໍເຣຍອາໂລໂຢ ປະທານາທິບໍດີຟີລິບປິນໄດ້ຕົກລົງແລ້ວຈະໃຊ້ງົບປະມານ1ຕື້40ລ້ານໂດລາພາຍໃນ3ປີເພື່ອໃຊ້ໃນການເພີ່ມຜົນຜະລິດທັນຍາຫານ.
|
|
|
