|
|
(GMT+08:00)
2008-05-05 15:47:22
|
ຊາວຈີນເກືອບຫມື່ນຄົນຊຸມນຸມກັນຢູ່ນິວຢອກເພື່ອສະຫນັບສະຫນູນງານກິລາໂອລິມປິກປັກກິ່ງ
cri
ຕາມຂ່າວສານຊີນຮວາ:ວັນທີ 4 ພຶດສະພານີ້ ຊາວຈີນທີ່ມາຈາກແຫ່ງຕ່າງໆຂອງອາເມລິກາເກືອບຫມື່ນຄົນໄດ້ຈັດງານໂຮມຊຸມນຸມຢ່າງສັນຕິຢູ່ກາງນະຄອນນິວຢອກ,ເພື່ອສະຫນັບສະຫນູນງານກິລາໂອລິມປິກປັກກິ່ງ. ໃນງານຊຸມນຸມ, ຜູ່ຕາງຫນ້ານັກສຶກສາຈີນທີ່ຮຽນຢູ່ອາເມລິກາ ຜູ່ຕາງຫນ້າໄວຫນຸ່ມຂອງຊາວຈີນທີ່ອາໄສຢູ່ອາເມລິກາໄດ້ກ່າວປາໃສ,ຜູ່ຮັບຜິດຊອບຂອງອົງການຈັດຕັ້ງຊາວຈີນຫລາຍສິບອົງການກໍ່ໄດ້ເຂົ້າຮ່ວມການເຄື່ອນໄຫວດັ່ງກ່າວ.
ຜູ່ຮ່ວມງານໄດ້ຊູທຸງຊາດຈີນ ທຸງຊາດອາເມລິກາແລະທຸງໂອລິມປິກ, ຮ້ອງຄຳຂວັນຕ່າງໆເຊັ່ນ ຈີນດຽວ ໂລກດຽວ ຄວາມຝັນດຽວ ຄັດຄ້ານການເອົາງານກິລາໂອລິມປິກເປັນບັນຫາການເມືອງແລະອື່ນໆ, ຮ້ອງເພງຊາດຈີນ ເພງສັນລະເສີນປະເທດຊາດ ເພງດວງໃຈຈີນຂອງຂ້ອຍແລະເພງຕ່າງໆ,ຫວັງໃຊ້ວິທີແບບນີ້ເພື່ອສົ່ງຕໍ່ຄວາມໃນໃຈຂອງຊາວຈີນໃນທົ່ວໂລກທີ່ຮັກຫອມສັນຕິພາບ.
|
|
|