|
|
(GMT+08:00)
2008-05-05 18:02:20
|
|
ຜູ້ຊ່ຽວຊານຝ່າຍຕາເວັນຕົກຈຳນວນໜຶ່ງພິມບົດຄວາມເຜີຍແບໜ້າຕາທີ່ແທ້ຈິງຂອງ"ຂະບວນການຕິເບດເອກະລາດ"
cri
Author: mo
ຕາມຂ່າວCRI: ຫວ່າງມໍ່ໆນີ້, ຜູ້ຊ່ຽວຊານຝ່າຍຕາເວັນຕົກຈຳນວນໜຶ່ງທະຍອຍກັນພິມບົດຄວາມເຜີຍແບໜ້າຕາທີ່ແທ້ຈິງຂອງ"ຂະບວນການຕິເບດເອກະລາດ".
ທ່ານໄມໂຄວ ໂຄຊູໂດບສະກີ ຫົວໜ້າສູນຄົ້ນຄວ້າໂລກາພິວັດຂອງການາດາ ຜູ້ແຕ່ງປື້ມ"ເອັນໄຊໂຄລ໌ພິເດຍ ບຣິດເຕິນນີກາ"ໄດ້ພິມບົດຄວາມຂຽນວ່າ, ການຈະລາຈົນທີ່ເກີດຂຶ້ນຢູ່ເຂດຕິເບດແມ່ນ"ເຫດການທີ່ຈັດສັນຢ່າງຕັ້ງໃຈ". ຍ້ອນມີຜູ້ນຳປະເທດຝ່າຍຕາເວັນຕົກຕິຕຽນຈີນ, ຈຶ່ງເຮັດໃຫ້ຂະບວນການໃສ່ຮ້າຍປ້າຍສີທາງສື່ມວນຊົນໄດ້ເລີ່ມຕົ້ນຢ່າງວ່ອງໄວ.
ພັນໂທອຸຍແກນ ໂຣເຊ ກອງທັບປ້ອງກັນປະເທດສະຫະພັນເຢຍລະມັນພິມບົດຄວາມລົງໃນວາລະສານ"ອັນເຊີເຣ ໄຊທ໌"ຂຽນວ່າ, ເຫດການຕິເບດຮຸນແຮງຂຶ້ນໄດ້ເຮັດໃຫ້ຄົນຄິດເຫັນວ່າ, ຄົນອາເມລິກາພວມໃຊ້ວິທີທີ່ເຂົາຊຳນານນັ້ນມາເຮັດໃຫ້ຈີນຕົກ"ຂຸມຂວາກຕິເບດ", ວິທີທີ່ເຂົາມັກໃຊ້ນີ້ກໍ່ແມ່ນສວຍໄຊ້ອິດທິກຳລັງຊົນເຜົ່າສ່ວນໜ້ອຍຫຼືສາສະໜາຂອງປະເທດອື່ນມາບັນລຸເປົ້າໝາຍການເມືອງມະຫາອຳນາດຂອງເຂົາ.
ຫວ່າງມໍ່ໆນີ້, ທ່ານໂດມີນີໂກ ໂລເຊີໂດ ນັກປະຫວັດສາດທີ່ມີຊື່ສຽງຂອງອີຕາລີໄດ້ຂຽນບົດຄວາມຢູ່ອິນເຕີເນັດວ່າ, ການກະທຳອັນຕ່ຳຕ້ອຍທີ່ໃສ່ຮ້າຍປ້າຍສີໃຫ້ຈີນເປັນຄືຜີມານນັ້ນ ພວມດຳເນີນຢູ່ບາງປະເທດຝ່າຍຕາເວັນຕົກ, ພວກເຂົາຊູທຸງທີ່ວ່າ"ປົກຄອງຕົນເອງ" ມາສະໜັບສະໜູນ"ຕິເບດເປັນເອກະລາດ", ຈຸດປະສົງກໍ່ແມ່ນຢາກຕັດແຍກປະເທດຈີນທີ່ມີວັດທະນະທຳຫຼາຍເຄົ້າເຊິ່ງຈໍ່ຕົວຂຶ້ນໂດຍຜ່ານຫຼາຍສະຕະວັດນັ້ນ. ບົດຄວາມດັ່ງກ່າວໄດ້ຮັບການສະສະໜັບສະໜູນຈາກນັກວິຊາການ ນັກຂ່າວ ຜູ້ນຳອົງການຈັດຕັ້ງມວນຊົນ ແລະບຸກຄົນວົງການການເມືອງຫຼາຍຮ້ອຍຄົນຂອງປະເທດຝຣັ່ງ ແອັສປາຍ ແລະອີຕາລີເປັນຕົ້ນ.
|
|
|