|
|
 |
| (GMT+08:00)
2008-05-06 11:43:59
|
 |
|
ລົມພະຍຸເຮັດໃຫ້ມຽນມາຢ່າງໜ້ອຍມີ1ໝື່ນ5ພັນຄົນເສຍຊີວິດ
cri
Author: d
|
ຕາມຂ່າວCRI: ວັນທີ5ພຶດສະພານີ້ ໂທລະພາບແຫ່ງຊາດມຽນມາລາຍງານວ່າ,ລົມພະຍຸທີ່ພັດຖະຫຼົ່ມມຽນມານັບແຕ່ທ້າຍສັບປະດາແລ້ວນີ້ ຢ່າງໜ້ອຍໄດ້ເຮັດໃຫ້1ໝື່ນ5ພັນຄົນເສຍຊີວິດ.
ປະຈຸບັນ,ມຽນມາໄດ້ສ້າງຕັ້ງຄະນະກຳມະການປ້ອງກັນໄພແລະກູ້ໄພສູນກາງທີ່ນຳໂດຍທ່ານເຕັນເຊນ ນາຍົກລັດຖະມົນຕີ,ແລະແຕ່ງໜ່ວຍງານ10ໜ່ວຍລົງໄປຊ່ວຍເຫຼືອເຂດປະສົບໄພແລ້ວ.ຄາດວ່າ,ຈຳນວນຜູ່ເສຍຊີວິດຍັງຈະເພີ່ມຂຶ້ນອີກ.
ປະຊາຄົມໂລກລ້ວນແຕ່ເອົາໃຈໃສ່ໃນລະດັບສູງຕໍ່ໄພພິບັດຂອງມຽນມາ,ແລະກ່າວວ່າຈະສະໜອງການຊ່ວຍເຫຼືອສຸກເສີນໃຫ້ມຽນມາ.ວັນທີ5ພຶດສະພານີ້ ທ່ານບານກີມູນ ເລຂາທິການໃຫຍ່ສະຫະປະຊາຊາດກ່າວວ່າ,ສະຫະປະຊາຊາດຈະເຮັດສຸດຂີດເພື່ອສະໜອງການຊ່ວຍເຫຼືອໃຫ້ມຽນມາ.ອົງການແຜນການສະບຽງອາຫານໂລກຫຼືWFPໄດ້ຂົນສົ່ງສະບຽງອາຫານ500ໂຕນໄປໃຫ້ເຂດປະສົບໄພແລ້ວ.
ວັນທີ5ພຶດສະພານີ້ ຄະນະກຳມາທິການສະຫະພາບເອີລົບປະກາດວ່າຈະຊ່ວຍເງິນ2ລ້ານເອີໂລໃຫ້ມຽນມາ.
ອາເມລິກາກໍ່ຜ່ານອົງການWFPສະໜອງການຊ່ວຍເຫຼືອສຸກເສີນ,ແລະຈະພິຈາລະນາຊ່ວຍເຫຼືອດ້ານອື່ນ.ລັດຖະບານອິນເດຍກໍ່ສົ່ງສານສະແດງຄວາມຢື້ຢາມຖາມຂ່າວຕໍ່ລັດຖະບານແລະປະຊາຊົນມຽນມາ,ແລະກ່າວວ່າຈະໃຫ້ເຄື່ອງຊ່ວຍເຫຼືອດ່ວນໃຫ້ປະຊາຊົນມຽນມາ.ປະເທດໄທກ່າວວ່າ,ຈະສົ່ງຍົນຂົນສົ່ງເຄື່ອງຊ່ວຍເຫຼືອຊຸດໜຶ່ງແລະສະໜອງຜ້າຢາງເພື່ອເຮັດຕູບຊົ່ວຄາວໃຫ້ມຽນມາໃນວັນທີ6ພຶດສະພານີ້.
|
|
|
