|
|
(GMT+08:00)
2008-05-06 15:07:55
|
|
ທ່ານຫູຈິນທ່າວເດີນທາງໄປຮອດໂຕກຽວເລີ່ມຢ້ຽມຢາມຍີ່ປຸ່ນໃນລະດູບານໃໝ່ທີ່ອົບອຸ່ນ
cri
ຕາມຂ່າວCRI, ໂດຍຕອບສະໜອງຄຳເຊີນຂອງລັດຖະບານຍີ່ປຸ່ນ, ວັນທີ6ພຶດສະພານີ້, ທ່ານຫູຈີນທ່າວ ປະທານປະເທດຈີນໄດ້ເດີນທາງໄປຮອດໂຕກຽວ, ເລີ່ມຢ້ຽມຢາມຍີ່ປຸ່ນທາງລັດຖະກິດເປັນເວລາ5ວັນ. ທ່ານຫູຈີນທ່າວຖືວ່ານີ້ແມ່ນການຢ້ຽມຢາມໃນລະດູບານໃໝ່ທີ່ອົບອຸ່ນ.
ຫຼັງຈາກທ່ານຫູຈີນທ່າວເດີນທາງໄປຮອດສະໜາມບິນຮາເນດາຂອງຍີ່ປຸ່ນແລ້ວ, ທ່ານໄດ້ແຈກຢາຍຄຳປາໄສໃຫ້ແກ່ສື່ມວນຊົນໂດຍກ່າວວ່າ, ຈີນແລະຍີ່ປຸ່ນແມ່ນປະເທດສຳຄັນຂອງອາຊີກໍຄືຂອງໂລກ, ການຂະຫຍາຍການພົວພັນມິດຕະພາບບ້ານໃກ້ເຮືອນຄຽງທີ່ດີຕໍ່ກັນທີ່ໝັ້ນຄົງຍາວນານສອດຄ່ອງກັບຜົນປະໂຫຍດພື້ນຖານຂອງສອງປະເທດແລະປະຊາຊົນສອງຊາດ. ປີນີ້ແມ່ນປີເຊັນສັນຍາສັນຕິພາບມິດຕະພາບລະຫວ່າງຈີນກັບຍີ່ປູ່ນຄົບຮອບ30ປີ, ການພົວພັນສອງປະເທດພວມພົບກັບໂອກາດໃໝ່ທີ່ຂະຫຍາຍຕົວຕື່ມອີກ. ທ່ານກ່າວວ່າ, ຫວັງໃຫ້ການຢ້ຽມຢາມຄັ້ງນີ້ເພີ່ມທະວີຄວາມໄວ້ເນື້ອເຊື່ອໃຈກັນ, ເພີ່ມທະວີມິດຕະພາບ, ລົງເລິກການຮ່ວມມືກັນ, ວາງແຜນສຳລັບອະນາຄົດ, ພ້ອມກັນສ້າງສະພາບການໃໝ່ທີ່ການພົວພັນຍຸດທະສາດແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບຍີ່ປຸ່ນຂະຫຍາຍຕົວຢ່າງຮອບດ້ານ.
ໃນໄລຍະຢ້ຽມຢາມຍີ່ປຸ່ນ, ທ່ານຫູຈີນທ່າວຈະເຂົ້າພົບເຈົ້າຈັກກະພັດອາຄີຮີໂຕ, ພົບປະເຈລະຈາກັບທ່ານຟູຄູດາ ຢາຊີໂອ ນາຍົກລັດຖະມົນຕີຍີ່ປຸ່ນກ່ຽວກັບການພົວພັນຈີນຍີ່ປຸ່ນແລະບັນຫາທີ່ສົນໃຈຮ່ວມກັນ, ແລະຈະພົບປະສັງສັນກັບບຸກຄົນວົງການຕ່າງໆຂອງຍີ່ປຸ່ນຢ່າງກວ້າງຂວາງ.
|
|
|