|
|
 |
| (GMT+08:00)
2008-05-07 14:28:38
|
 |
|
ປະຊາຄົມໂລກສະໜອງການຊ່ວຍເຫຼືອດ່ວນໃຫ້ມຽນມາ
cri
Author: d
ຕາມຂ່າວCRI: ຫຼັງຈາກມຽນມາປະສົບໄພພະຍຸຮຸນແຮງໃນຫວ່າງມໍ່ໆນີ້ຈົນເກີດເສຍຫາຍອັນໜັກໜ່ວງ,ປະຊາຄົມໂລກພາກັນປະກາດວ່າຈະໃຫ້ການຊ່ວຍເຫຼືອດ່ວນເພື່ອກູ້ໄພໃຫ້ມຽນມາ.
ວັນທີ6ພຶດສະພານີ້ ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ທ່ານຫູຈິນທາວປະທານປະເທດ ທ່ານເວີນເຈຍປາວນາຍົກລັດຖະມົນຕີແລະທ່ານຢາງເຈສື້ ລັດຖະມົນຕີວ່າການກະຊວງຕ່າງປະເທດຕ່າງໄດ້ສົ່ງໂທລະເລກສະແດງຄວາມເຫັນໃຈໄປຍັງຄູ່ຮ່ວມຕຳແໜ່ງຂອງມຽນມາ,ເພື່ອສະແດງຄວາມເຫັນໃຈອັນເລິກເຊິ່ງແລະຄວາມຢື້ຢາມຖາມຂ່າວອັນຈິງໃຈຕໍ່ລັດຖະບານແລະປະຊາຊົນມຽນມາ.ຈີນຍັງຈະຊ່ວຍເຫຼືອເງິນສົດແລະວັດຖຸຊຸດທຳອິດລວມມີມູນຄ່າ1ລ້ານໂດລາໃຫ້ມຽນມາ.
ວັນທີ6ພຶດສະພານີ້ ຫຼາຍພາກສ່ວນຂອງສະຫະປະຊາຊາດກໍ່ຖະແຫຼງຢູ່ເຊີແນວ,ຮຽກຮ້ອງໃຫ້ປະຊາຄົມໂລກສະໜອງການຊ່ວຍເຫຼືອດ່ວນໃຫ້ມຽນມາ.
ມື້ດຽວກັນ ທ່ານສຸລິນ ພິດສຸວັນ ເລຂາທິການໃຫຍ່ອາຊຽນປະກາດວ່າ,ອາຊຽນຈະສະໜອງອາຫານດ່ວນຈຳນວນໜຶ່ງໃຫ້ມຽນມາ.
ມື້ດຽວກັນ ໄທ ນູແວນເຊລັງແລະສະຫະພາບເອີລົບຕ່າງກໍ່ໄດ້ສະແດງຄວາມເຫັນໃຈຕໍ່ປະຊາຊົນທີ່ປະສົບໄພຂອງມຽນມາ,ແລະກ່າວວ່າຈະສະໜອງການຊ່ວຍເຫຼືອດ່ວນໃຫ້.
ວັນທີ6ພຶດສະພານີ້ ວິທະຍຸແຫ່ງຊາດມຽນມາລາຍງານວ່າ,ລົມພະຍຸຮຸນແຮງທີ່ພັດຖະຫຼົ່ມມຽນມາໃນທ້າຍສັບປະດາແລ້ວນີ້ ເຮັດໃຫ້2ໝື່ນ2ພັນກວ່າຄົນເສຍຊີວິດ. ນອກນີ້,ລົມພະຍຸຍັງເຮັດໃຫ້4ໝື່ນ1ພັນ54ຄົນຫາຍສາບສູນ,670ຄົນບາດເຈັບ.
|
|
|
