ຕາມ​ຂ່າວສານ​ຊິນ​ຮວາ:ວັນ​ທີ6 ພຶດສະພາ​ນີ້,ທ່ານນະພະ​ດົນ ປັດທະມະ​ກ່າວ​ວ່າ,​ໃນ​ໄລຍະ​ນີ້,​ໄທ​ຈະ​ບໍ່ຊຸກ​ຍູ້​ໃຫ້​ຈັດ​ຕັ້ງ​ອົງການ​ປະ​ເທດ​ທີ່​ສົ່ງ​ອອກ​ເຂົ້າ,ນອກຈາກ​ຄຸນ​ນະພາ​ບ​ເຂົ້າຂອງ​ບັນດາ​ປະ​ເທດ​ທີ່​ຜະລິດ​ເຂົ້າ​ຮັບປະກັນ​ແລະ​ຜົນ​ຜະລິດກໍໝັ້ນ​ທ່ຽງ.

ມື້​ດຽວ​ກັນ,ຢູ່​ບາງກອກ,ທ່ານ​ນະພະ​ດົນ​ໄດ້​ພົບ​ປະ​ຜູ່​ຕາງໜ້າ​ການ​ຄ້າ​ເຂົ້າ​ທີ່​ມາ​ຈາກ​ຈີນ​ແລະ​ຫວຽດນາມ​ເປັນ​ຕົ້ນ​,​ແລະ​ໄດ້​ຫາລື​ກັນ​ກ່ຽວ​ກັບບັນຫາ​ໂລກ​ຂາດ​ເຂີນ​ອາ​ຫານ​.ພາຍຫຼັງ​ການປະຊຸມ,ທ່ານ​ນະພະ​ດົນ​ກ່າວ​ວ່າ,ກອງ​ປະຊຸມວັນ​ທີ6ບໍ່​​ໄດ້ຫາລື​ຂໍ້​ສະ​ເໜີ​ຂອງ​ທ່ານ​ສະໝັກ ສຸນ​ທໍລະ​ເວດ ນາຍົກລັດຖະມົນຕີຂອງ​ໄທກ່ຽວ​ກັບການ​ຮ່ວມ​ກັບ​ຫວຽດນາມ,ກຳປູ​ເຈຍ,ລາວ​ແລະ​ມຽນມາ​ປະກອບ​ເປັນ​ອົງການ​ຂອງ​ປະ​ເທດສົ່ງ​ອອກ​ເຂົ້າ.ທ່ານ​ກ່າວ​ວ່າ,​ໃນ​ໄລຍະ​ນີ້,​ໄທ​ຈະ​ບໍ່​ຊຸກຍູ້ການ​ຕັ້ງ​ອົງການ​ນີ້​ເທື່ອ,​ເພາະ​ວ່າ​ອົງການ​ຈັດ​ຕັ້ງ​ແນວ​ນີ້​ອາ​ດຈະ​ບໍ່​ມີປະ​ໂຫຍ​ດຫຍັງ​ໃນ​ການ​ປັບປຸງ​ສະພາບ​ການສະ​ໜອງ​ອາຫານ​​ໃນທົ່ວ​ໂລກ​ໃຫ້​ດີ​ຂຶ້ນ.

ກ່ອນນີ້,ທ່ານ​ສະໝັກ ສຸນ​ທໍລະ​ເວດ​ເຄີຍສະ​ເໜີ​​ໃຫ້​ສ້າງ​ຕັ້ງ​ອົງການ​ປະ​ເທດ​ສົ່ງ​ອອກ​ເຂົ້າ,​ແລະ​ໄດ້​ຮັບ​ການ​ຕອບ​ສະໜອງອັນ​ຕັ້ງໜ້າ​ຈາກມຽນມາ,​ແຕ່​ບາງ​ປະ​ເທດ​ນຳ​ເຂົ້າ​ແລະ​ພາຍ​ໃນ​ປະ​ເທດ​ໄທ​ມີ​ສຽງ​ຄັດຄ້ານອ່າວ​ສູງ.