|
|
 |
| (GMT+08:00)
2008-05-07 17:56:49
|
 |
|
ສື່ມວນຊົນປະເທດຕ່າງໆຕີລາຄາຢ່າງຕັ້ງໜ້າຕໍ່"ການຢ້ຽມຢາມລະດູບານໃໝ່ທີ່ອົບອູ່ນ"
cri
Author: mo
ຕາມຂ່າວCRI: ວັນທີ 6 ພຶດສະພານີ້, ທ່ານຫູຈິນທ່າວ ປະທານປະເທດຈີນໄດ້ເລີ່ມຢ້ຽມຢາມຍີ່ປຸ່ນທາງລັດຖະກິດ, ຊຶ່ງເປັນການຢ້ຽມຢາມໃນລະດູບານໃໝ່ທີ່ອົບອຸ່ນ 5 ວັນ. ຫຼາຍມື້ມານີ້, ສື່ມວນຊົນຂອງປະເທດຕ່າງໆເຊັ່ນຍີ່ປຸ່ນເປັນຕົ້ນໄດ້ທະຍອຍກັນພິມບົດຄວາມ, ຕີລາຄາຢ່າງຕັ້ງໜ້າຕໍ່ການຢ້ຽມຢາມໃນລະດູບານໃໝ່ທີ່ອົບອູ່ນເທື່ອນີ້.
ຕອນທ່ຽງວັນທີ 6 ພຶດສະພານີ້, ໂທລະພາບໂຕກຽວຍີ່ປຸ່ນໄດ້ລາຍງານຂ່າວການຢ້ຽມຢາມຍີ່ປຸ່ນຂອງທ່ານຫູຈີນທ່າວ ປະທານປະເທດຈີນເປັນພິເສດ. ຊຶ່ງລາຍງານວ່າ, ການຢ້ຽມຢາມຂອງທ່ານຫູຈິນທ່າວເທື່ອນີ້ມີແຕ່ຍີ່ປຸ່ນປະເທດດຽວ, ແລະເປັນເວລາ 5 ວັນ, ນີ້ແມ່ນເລື່ອງທີ່ມີໜ້ອຍທີ່ສຸດໃນປະຫວັດການຢ້ຽມຢາມຕ່າງປະເທດຂອງຜູ້ນຳຈີນໃນຊຸມປີມໍ່ໆມານີ້, ອັນໄດ້ສະແດງໃຫ້ເຫັນຢ່າງເຕັມສ່ວນວ່າ: ຝ່າຍຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນຈີນຍີ່ປຸ່ນ.
ໜັງສືພິມໂຢມິຢູລີຍີ່ປຸ່ນວິຈານວ່າ, ການເຈລະຈາສຸດຍອດຈີນຍີ່ປຸ່ນຈະເພີ່ມທະວີການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດຕື່ມອີກ.
ວັນທີ 6 ພຶດສະພານີ້, ໜັງສືພິມຈູນການເດລີນິວສ໌ຂອງສ.ເກົາຫລີພິມບົດຄວາມຂຽນວ່າ: ການຢ້ຽມຢາມຍີ່ປຸ່ນຂອງທ່ານຫູຈີນທ່າວ ປະທານປະເທດຈີນເທື່ອນີ້ຈະກາຍເປັນໂອກາດທີ່ການພົວພັນຈີນຍີ່ປຸ່ນຕ້ອນຮັບແສງຕາເວັນທີ່ສົດໃສຂອງລະດູບານໃໝ່.
|
|
|
