|
ຕາມຂ່າວCRI：ຕອນເຊົ້າວັນທີ 7 ພຶດສະພານີ້, ຢູ່ທີ່ໂຕກຽວ, ທ່ານຫູຈິນທ່າວ ປະທານປະເທດຈີນໄດ້ພົບປະເຈົ້າຈັກກະພັດອາກີຮິໂຕຍີ່ປຸ່ນ.
ທ່ານຫູຈີນທ່າວກ່າວວ່າ, ການຢ້ຽມຢາມຈີນຂອງເຈົ້າຈັກກະພັດອາກີຮີໂຕໃນເມື່ອກ່ອນໄດ້ຮັບຜົນສຳເລັດ, ໄດ້ຝາກພາບປະທັບໃຈອັນເລິກເຊິ່ງໃຫ້ແກ່ປະຊາຊົນຈີນ. ທ່ານກ່າວວ່າ, ຈີນກັບຍີ່ປຸ່ນລ້ວນແຕ່ມີປະຫວັດສາດອັນຍາວນານ, ການໄປມາຫາສູ່ກັນລະຫວ່າງປະຊາຊົນທັງສອງປະເທດໄດ້ມີມູນເຊື້ອມາຢ່າງຍາວນານ. ຜ່ານການໄປມາຫາສູ່ກັນອັນຍາວນານນີ້, ປະຊາຊົນສອງປະເທດໄດ້ຮໍ່າຮຽນເຊິ່ງກັນແລະກັນ, ຖອດຖອນບົດຮຽນນຳກັນ, ໄດ້ຊຸກຍູ້ປະເທດຂອງຕົນຕ່າງພັດທະນາແລະກ້າວໜ້າ. ທ່ານຫູຈິນທ່າວສະແດງຄວາມຊົມເຊີຍຕໍ່ເຈົ້າຈັກກະພັດຍີ່ປຸ່ນທີ່ເອົາໃຈໃສ່ການຂະຫຍາຍການພົວພັນລະຫວ່າງຈີນກັບຍີ່ປຸ່ນ. ທ່ານກ່າວເນັ້ນວ່າ, ການພົວພັນລະຫວ່າງຈີນຍີ່ປຸ່ນໄດ້ມີໂອກາດໃໝ່ແຫ່ງການພັດທະນາຕື່ມອີກ, ຝ່າຍຈີນຫວັງຮ່ວມກັນທຳຄວາມພະຍາຍາມກັບຝ່າຍຍີ່ປຸ່ນ, ສ້າງສະພາບການໃໝ່ແຫ່ງການຂະຫຍາຍການພົວພັນຕ່າງຝ່າຍຕ່າງໄດ້ຮັບຜົນດີແລະຍຸດທະສາດຈີນຍີ່ປຸ່ນ.
ເຈົ້າຈັກກະພັດອາກີຮີໂຕຍິນດີຕ້ອນຮັບທ່ານຫູຈີນທ່າວໄປຢ້ຽມຢາມຍີ່ປຸ່ນທາງລັດຖະກິດເທື່ອນີ້. ພະອົງກ່າວວ່າ, ຍີ່ປຸ່ນຈີນມີໄມຕີຈິດແລະໄປມາຫາສູ່ກັນຢ່າງຍານນານ, ຍີ່ປຸ່ນໄດ້ສົ່ງທູດໄປຈີນໃນສະໄໝລາຊະວົງຖາງແລະອື່ນໆໄດ້ກາຍເປັນແບບຢ່າງແຫ່ງການແລກປ່ຽນສາຍພົວພັນມິດຕະພາບລະຫວ່າງສອງຊາດ. ພະອົງໄດ້ອວຍພອນໃຫ້ການພົວພັນຍີ່ປຸ່ນຈີນຈົ່ງມີອະນາຄົດອັນດີງາມກວ່າເກົ່າ.
|
