|
|
 |
| (GMT+08:00)
2008-05-07 18:17:28
|
 |
|
ເຈົ້າໜ້າທີ່ກະຊວງການຕ່າງປະເທດອາເມລິກາຈະໄປຢາມສປປເກົາຫລີອີກ
cri
Author: MO
ຕາມຂ່າວສານຊີນຮວາ: ວັນທີ 6 ພຶດສະພານີ້, ທ່ານເມັກໂຄມາກ ໂຄສົກກະຊວງການຕ່າງປະເທດອາເມລິກາກ່າວວ່າ, ທ່ານກິມຊູນ ຫົວໜ້າພະແນກສ.ເກົາຫລີຂອງກະຊວງການຕ່າງປະເທດອາເມລິກາຈະໄປຢ້ຽມຢາມສປປເກົາຫລີອີກໃນວັນທີ 8 ພຶດສະພານີ້, ເພື່ອຫາລືບັນຫານິວເຄຼຍຂອງແຫຼມເກົາຫລີກັບຝ່າຍສປປເກົາຫລີ.
ວັນທີ 22 ເມສານີ້, ທ່ານກິມຊຸນເຄີຍນຳພາໜ່ວຍງານບັນຫານິວເຄຼຍແຫຼມເກົາຫລີໄປຢາມສປປເກົາຫລີ, ຢູ່ທີ່ພຽງຢາງ, ໄດ້ເຈລະຈາກັບທ່ານກິມເກກວນ ລັດຖະມົນຕີຊ່ວຍວ່າການກະຊວງການຕ່າງປະເທດ ຫົວໜ້າຄະນະຜູ້ແທນສປປເກົາຫລີກ່ຽວກັບການເຈລະຈາ 6 ຝ່າຍ. ກ່ອນໜ້ານີ້, ທ່ານຮີວ ຜູ້ຊ່ອຍລັດຖະມົນຕີການຕ່າງປະເທດອາເມລິກາ ຫົວໜ້າຄະນະຜູ້ແທນອາເມລິກາກ່ຽວກັບການເຈລະຈາ 6 ຝ່າຍຂອງບັນຫານິວເຄຼຍແຫຼມເກົາຫລີໄດ້ຈັດການພົບປະກັບທ່ານກິມເກກວນຢູ່ເຊີແນວໃນວັນທີ 13 ມີນາແລະຢູ່ສິງກະໂປໃນວັນທີ 8 ເມສານີ້. ອີງຕາມເອກະສານຮ່ວມທີ່ຊື່ວ່າ"ການເຄື່ອນໄຫວໄລຍະທີສອງຂອງການປະຕິບັດຖະແຫຼງການຮ່ວມ"ຊຶ່ງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີປະກາດໃນເດືອນຕຸລາປີ 2007ນັ້ນ, ສປປເກົາຫລີຄວນເຮັດໃຫ້ສິ່ງກໍ່ສ້າງນິວເຄຼຍ 3 ແຫ່ງຢູ່ເຂດຢົງປຽນບໍ່ສາມາດຜະລິດນິວເຄຼຍໄດ້ອີກກ່ອນທ້າຍປີກາຍນີ້, ແລະລາຍງານແຜນການນິວເຄຼຍທັງໝົດຂອງຕົນຢ່າງຄົບຖ້ວນແລະຖືກຕ້ອງ. ຍ້ອນສປປເກົາຫລີກັບອາເມລິກາມີຄວາມເຫັນທີ່ຂັດກັນໃນບັນຫາລາຍງານແຜນການນິວເຄຼຍ, ຈຶ່ງເຮັດໃຫ້ເອກະສານດັ່ງກ່າວບໍ່ສາມາດປະຕິບັດຢ່າງຮອບດ້ານຕາມເວລາກຳນົດໄດ້.
|
|
|
