ຕາມ​ຂ່າວCRI:ຫຼັງ​ຈາກ​ລົມພາຍຸ​ແຖບ​ຮ້ອນ​​ເຮັດ​ໃຫ້​ມຽນມາມີຄົນ​ບາດ​ເຈັບ​ແລະ​​ເສຍ​ຊີວິດຢ່າງ​ຫຼວງຫຼາຍ ​ແລະ ​ເສຍ​ຫາຍ​ດ້ານຊັບ​ສິນ​ຢ່າງ​ຫຼວງ​ຫຼາຍ, ພະນັກງານ​ທີ່ລັດຖະບານ​ມຽນມາ ​ແລະ ອົງການ​ຊ່ວຍ​ເຫຼືອ​ຈຳນວນ​ໜຶ່ງ​ສົ່ງ​ອອກ​ນັ້ນ​ໄດ້​ເລິ່ມປະຕິບັດ​ການ​ກອບ​ກູ້​ຢູ່​​ເຂດ​ປະສົບ​ໄພ, ວັນ​ທີ7​ພຶດສະພາ​ນີ້,ວັດຖຸ​ກູ້​ໄພ​ຈຳນວນ​ໜຶ່ງ​ໄດ້​ຖືກ​ຂົນ​ສົ່ງ​ຮອດ​ເຂດ​ປະສົບ​​ໄພ​ແລ້ວ.

ໂທລະພາບ​ຝ່າຍ​ທາງ​ການ​ຂອງ​ມຽນມາລາ​ຍງານ​ວ່າ, ຍົນ​ເຮ​ລິ​ກົບ​ການທະຫານ​ໄດ້ປ່ອຍອາຫານ ​ແລະ ນ້ຳ​ຂວດ​ຈາກ​ທ້ອງຟ້າຢູ່​ແຂວງ​ອິລາ​ວັດ​ດີ ທີ່​ເປັນ​ເຂດ​ປະສົບ​ໄພ​ຮ້າຍ​ແຮງ​ກວ່າ​ໝູ່.

ຢູ່​​ເມືອງ​ຢາງ​ກຸງ ​ແລະ ​ແຫ່ງ​ອື່ນ​ໆ, ປະຊາຊົນ​ຈຳ​ນວນ​ໜຶ່ງ​ໄດ້ຍ່າງຕາມ​ຖະໜົນ​ຫົນທາງສະ​ສາງ​ຕົ້ນ​​ໄມ້​ທີ່ລົ້ມ​ໃນ​ລົມພາຍຸ ​ແລະ ຊາກ​ສິ່ງ​ກໍ່ສ້າງ​ທີ່​ຂັດ​ຂວາງຖະໜົນ​ຫົນທາງ.

ອາຫານ​ຊ່ວຍ​​ເຫຼືອງ​ວດທີ1​​ທີ່​ສະໜອງ​ໂດຍອົງການແຜນການ​ທັນ​ຍາ​ຫານ​ໂລກ​ໄດ້​ຖືກ​ຂົນ​ສົ່ງ​ຮອດ​​ເມືອງ​ຢາງ​ກຸງ​​ໃນ​ວັນ​ທີ7​ພຶດສະພາ​ນີ້, ​ແລະ ​ເລິ່ມ​ແຈກ​ໃຫ້​ປະຊາຊົນ ຜູ່​ປະສົບ​ໄພ.