|
ຕາມຂ່າວສານຊິນຮວາ:ວັນທີ8 ພຶດສະພານີ້,ໃນເວລາເຂົ້າຮ່ວມເວທີປຶກສາລືດ້ານການເມືອງແລະຄວາມໝັ້ນຄົງໃນພາກພື້ນອາຊຽນຫຼືARFຢູ່ສິງກະໂປ,ພົນຕີເຊິນສຽວກົ່ງ ຜູ່ຊ່ວຍເສນາທິການໃຫຍ່ກອງທັບປົດປ່ອຍປະຊາຊົນຈີນກ່າວວ່າ,ຄວາມຈະເລີນຮຸ່ງເຮືອງແລະສະຖຽນລະພາບຂອງພາກພື້ນອາຊີປາຊີຟິກບໍ່ພຽງແຕ່ກ່ຽວພັນເຖິງຜົນປະໂຫຍດຂອງພາກພື້ນຕົນທໍ່ນັ້ນ,ຍັງກ່ຽວພັນເຖິງສັນຕິພາບແລະການພັດທະນາຂອງໂລກນຳອີກ,ລັດຖະບານແລະພາກສ່ວນການປ້ອງກັນຂອງບັນດາປະເທດຄວນເພີ່ມທະວີການຮ່ວມມືກັນ,ຮັບມືກັບການທ້າທາຍ,ຊຸກຍູ້ໃຫ້ມີຄວາມໝັ້ນຄົງຮ່ວມກັນ.
ທ່ານເຊິນສຽວກົ່ງກ່າວວ່າ,ປັດຈຸບັນ,ສະຖານະການເຂດອາຊີປາຊີຟິກແມ່ນໝັ້ນທ່ຽງໂດຍພື້ນຖານ,ສັນຕິພາບ,ການພັດທະນາແລະຮ່ວມມືກັນແມ່ນທ່າອ່ຽງທີ່ຄວນເປັນໄປ.ໃນຂະນະດຽວກັນ,ພາກພື້ນອາຊີປາຊີຟິກຍັງປະເຊີນໜ້າກັບບັນຫາຄວາມໝັ້ນຄົງແບບດັ້ງເດີມແລະບໍ່ແມ່ນແບບດັ້ງເດີມ.ທ່ານເຊິນສຽວກົ່ງຍັງສະເໜີຂໍ້ສະເໜີ4ຂໍ້ກ່ຽວກັບການເພີ່ມທະວີການຮ່ວມມືດ້ານຄວາມໝັ້ນຄົງພາກພື້ນ;ອັນທີໜຶ່ງ,ແມ່ນສ້າງທັດສະນະການຮ່ວມມືທີ່ສະເໝີພາບຕ່າງຝ່າຍຕ່າງມີຜົນປະໂຫຍດໄຂປະຕູແລະເຮັດວຽກຮ່ວມກັນ;ອັນທີສອງແມ່ນເສີມຂະຫຍາຍບົດບາດທີ່ຄວນມີຂອງARF;ອັນທີສາມ,ແມ່ນເຮັດໃຫ້ການຮ່ວມມືໃນຂົງເຂດຄວາມໝັ້ນຄົງບໍ່ແມ່ນແບບດັ້ງເດີມກ້າວສູ່ລວງເລິກ;ອັນທີ່ສີ່,ຊຸກຍູ້ການສ້າງກົນໄກຄວາມໝັ້ນຄົງໃນພາກພື້ນ.
|
