|
|
 |
| (GMT+08:00)
2008-05-08 18:01:44
|
 |
|
ປະຊາຄົມໂລກສືບຕໍ່ໃຫ້ຄວາມຊ່ອຍເຫຼືອສຸກເສີນແກ່ມຽນມາ
cri
Author: mo
ຕາມຂ່າວCRI：ພາຍຫຼັງມຽນມາຖືກລົມພາຍຸແຖບຮ້ອນພັດພະຫຼົ່ມຢ່າງຮຸນແຮງ, ສ້າງຄວາມເສຍຫາຍດ້ານຊີວິດ ແລະຊັບສິນຢ່າງໜັກໜ່ວງ, ປະຊາຄົມໂລກສືບຕໍ່ໃຫ້ການຊ່ອຍເຫຼືອສຸກເສີນແກ່ມຽນມາດ້ວຍຮູບການຕ່າງໆ.
ວັນທີ 8 ພຶດສະພານີ້, ນາງເຮເລັນ ຄຼາກ ນາຍົກລັດຖະມົນຕີນູແວນຊີລັງກ່າວວ່າ, ຈະເພີ່ມຄວາມຊ່ອຍເຫຼືອສຸກເສີນ 1 ລ້ານໂດລານູແວນເຊລັງຫຼືປະມານ 773,000 ໂດລາສະຫະລັດໃຫ້ປະຊາຊົນມຽນມາທີ່ຖືກໄພລົມພາຍຸ. ກ່ອນໜ້ານີ້ຄືໃນວັນທີ 7 ພຶດສະພານີ້, ນາງເຮເລັນ ຄຼາກໄດ້ປະກາດວ່າ, ລັດຖະບານນູແວນເຊລັງຈະໃຫ້ຄວາມຊ່ອຍເຫຼືອດ່ວນ 5 ແສນໂດລານູແວນເຊລັງແກ່ມຽນມາ.
ວັນທີ 7 ພຶດສະພານີ້, ທ່ານພົນເອກບຸນສ້າງ ນຽມປຮະດິດ ຜູ້ບັນຊາການສູງສຸດກອງທັບທກ່າວວ່າ, ກອງທັບໄທຍິນດີເປັນຂົວຕໍ່ແກ່ປະຊາຄົມໂລກຊ່ອຍເຫຼືອເຂດປະສົບໄພໃນມຽນມາ.
ວັນທີ 7 ພຶດສະພານີ້, ອົງການການແພດຮອບໂລກຫຼືໂກຼເບີນເມດິກ ຊຶ່ງເປັນອົງການຈັດຕັ້ງທີ່ບໍ່ແມ່ນລັດຖະບານຂອງການາດາໄດ້ສົ່ງສະມາຊິກ 5 ຄົນໄປມຽນມາ, ເພື່ອໃຫ້ການຊ່ອຍເຫຼືອດ່ວນແກ່ຜູ້ປະສົບໄພ.
|
|
|
