ຕາມ​ຂ່າວCRI: ວັນ​ທີ 8 ພຶດສະພາ​ນີ້ຢູ່​ທີ່​ໂຕກ​ຽວ, ທ່ານ​ຫູ​ຈີນ​ທ່າວ ປະທານ​ປະ​ເທດ​ຈີນ​ໄດ້​ເຂົ້າ​ຮ່ວມງານ​ລ້ຽງຮັບ​ຕ້ອນ​ຂອງ 7 ອົງການ​ມິດຕະພາບ​ຍີ່ປຸ່ນ​ຈີນ​ແລະ​ 4 ອົງການ​ຊາວ​ຈີນ​ທີ່​ອາ​ໄສຢູ່​ຍີ່ປຸ່ນ. ທ່ານ​ຊີ້​ອອກ​ວ່າ, ພື້ນຖານ​ຂອງມິດຕະພາບ​ຈີນ​ຍີ່​ປຸ່ນ​ແມ່ນ​ຂຶ້ນ​ກັບປະຊາຊົນ​ສອງ​ຊາດ, ການ​ພັດທະນາ ມິດຕະພາບ​ຈີນ​ຍີ່ປຸ່ນ​ຕ້ອງ​ອາ​ໄສ​ປະຊາຊົນ​ສອງ​ຊາດ.

ທ່ານ​ກ່າວ​ວ່າ, ຈີນ​ຍີ່ປຸ່ນ​ມີ​​ໄມຕີ​ຈິດ​ມິດຕະພາບ​ຕໍ່​ກັນ​ມັນແມ່ນ​ມູນ​ເຊື້ອ​ປະຫວັດສາດ, ​ແລະກໍ​ແມ່ນ​ກະ​ແສ​ຟອງ​ຂອງ​ຍຸກສະ​ໄໝ, ຢູ່​ຮ່ວມ​ກັນ​ໂດຍ​ສັນຕິ ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ແລະ​ພັດທະນາ​ຮ່ວມ​ກັນ​ຄວນ​ກາຍ​ເປັນ​ເປົ້າ​ໝາຍ​ສູງ​ສົ່ງ​ທີ່​ສອງ​ຝ່າຍຮ່ວມ​ກັນສະ​ແຫວ​ງຫາ​.