|
|
 |
| (GMT+08:00)
2008-05-09 15:26:05
|
 |
|
ປະຊາຄົມໂລກສືບຕໍ່ໃຫ້ການຊ່ວຍເຫຼືອແກ່ມຽນມາ
cri
Author: d
ຕາມຂ່າວCRI: ພາຍຫຼັງມຽນມາປະສົບໄພພະຍຸແຖບຮ້ອນຢ່າງຮຸນແຮງ,ປະຊາຄົມໂລກສືບຕໍ່ສະໜອງການຊ່ວຍເຫຼືອໃຫ້ເຂດປະສົບໄພມຽນມາດ້ວຍຮູບການຕ່າງໆ. ຂະນະດຽວກັນ,ວຽກງານກູ້ໄພຂອງມຽນມາກໍ່ດຳເນີນໄປຢ່າງຂຸ້ນຂ້ຽວ.
ວັນທີ8ພຶດສະພານີ້ ທ່ານບານກີມູນ ເລຂາທິການໃຫຍ່ສະຫະປະຊາຊາດຜ່ານຈາກໂຄສົກອອກຖະແຫຼງການ,ຮຽກຮ້ອງໃຫ້ລັດຖະບານມຽນມາສຸມກຳລັງລະດົມກຳລັງຄົນແລກຳລັງວັດຖຸທຸກຢ່າງເພື່ອກູ້ໄພຢ່າງຮອບດ້ານ.
ມື້ດຽວກັນ ທ່ານຈອນ ໂຮເມັສ ຮອງເລຂາທິການໃຫຍ່ທີ່ຮັບຜິດຊອບວຽກງານກູ້ໄພດ້ານມະນຸດສະທຳຂອງສະຫະປະຊາຊາດກ່າວວ່າ,ຕ້ອງສົ່ງເຄື່ອງຊ່ວຍເຫຼືອສຸກເສີນໄປໃຫ້ເຂດປະສົບໄພຂອງມຽນມາໂດຍໄວ,ຖ້າບໍ່ດັ່ງນັ້ນອາດຈະເກີດມີເລື່ອງໜ້າເສົ້າຫຼາຍຂຶ້ນກວ່ານີ້.
ມື້ດຽວກັນ ໂຄງການອາຫານໂລກຫຼືWFPຈະສົ່ງເຄື່ອງຊ່ວຍເຫຼືອຊຸດທຳອິດຂອງສະຫະປະຊາຊາດໄປຮອດມຽນມາ.
ວັນທີ8ພຶດສະພານີ້ ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ເພື່ອສະແດງນ້ຳໃຈມິດຕະພາບຂອງລັດຖະບານແລະປະຊາຊົນຈີນຕໍ່ປະຊາຊົນມຽນມາ,ລັດຖະບານຈີນຕົກລົງວ່າພາຍຫຼັງໄດ້ຊ່ວຍເງິນສຸກເສີນກ່ອນໜ້ານີ້1ລ້ານໂດລາແລ້ວ,ຍັງຈະຊ່ວຍເງິນອີກ30ລ້ານຢວນໃຫ້ລັດຖະບານມຽນມາ.
ມື້ດຽວກັນ,ລັດຖະບານນູແວນເຊລັງກ່າວວ່າ,ຈະຊ່ວຍເຫຼືອສຸກເສີນອີກ7ແສນ7ໝື່ນ2ພັນໂດລາໃຫ້ມຽນມາ.ລັດຖະບານເຢຍລະມັນກໍ່ຈະຊ່ວຍເງິນ1ລ້ານເອີໂລໃຫ້ເຂດປະສົບໄພຂອງມຽນມາ.
ຕາມຂ່າວແຈ້ງວ່າ,ປະຈຸບັນ ການສື່ສານຢູ່ມຽນມາໄດ້ຟື້ນຟູເຂົ້າສູ່ສະພາບປົກກະຕິແລ້ວ,ລັດຖະບານຍັງຕັ້ງໜ້າໃຊ້ມາດຕະການເພື່ອຟື້ນຟູກນສະໜອງໄຟຟ້າ ນ້ຳກິນ ແລະຄວບຄຸມລາຄາສິນຄ້າ.
ຕົວເລກຫຼ້າສຸດສະແດງໃຫ້ເຫັນວ່າ,ຈຳນວນຄົນເສຍຊີວິດຢູ່ມຽນມາໃນໄພພິບັດເທື່ອນີ້ມີເກືອບ2ໝື່ນ3ພັນຄົນ,ອີກ4ໝື່ນ2ພັນຄົນຫາຍສາບສູນ.
|
|
|
