|
|
 |
| (GMT+08:00)
2008-05-09 15:57:28
|
 |
|
ສື່ມວນຊົນປະເທດຕ່າງໆສົນໃຈນຳທວນໄຟງານກິລາໂອລິມປິກຂຶ້ນຈອມພູຈູງມູລາງມາ
cri
Author: d
ຕາມຂ່າວCRI: ວັນທີ8ພຶດສະພານີ້ ທວນໄຟງານກິລາໂອລິມປິກປັກກິ່ງໄດ້ສົ່ງຕໍ່ຮອດຈອມພູຈູງມູລາງມາຢ່າງສຳເລັດຜົນ,ແມ່ນທວນໄຟງານກິລາໂອລິມປິກຂຶ້ນ ຮອດຈອມພູສູງສຸດໃນໂລກເຊິ່ງສູງກວ່າລະດັບໜ້ານ້ຳທະເລ8844ແມັດ43ຊັງຕິແມັດເປັນເທື່ອທຳອິດໃນປະຫວັດສາດ.ມື້ດຽວກັນ ສື່ມວນຊົນປະເທດຕ່າງໆພາກັນລາຍງານຂ່າວເລື່ອງນີ້.
ບົດຄວາມເທີງເວັບໄຊຂອງໜັງສືພິມອິນເດຍແທັມສ໌ຂຽນວ່າ,ທວນໄຟຂຶ້ນຮອດຈອມພູເທື່ອນີ້ແມ່ນຈຸດພົ້ນເດັ່ນໃນການສົ່ງຕໍ່ທວນໄຟງານກິລາໂອລິມປິກປັກກິ່ງ, ສ່ອງແສງໃຫ້ເຫັນວ່າຈີນມີຄວາມໝັ້ນໃຈຢ່າງເຕັມທີ່ຕໍ່ງານກິລາໂອລິມປິກປັກກິ່ງ.
ບົດຄວາມເທີງເວັບໄຊຂ່າວອາຊີຂອງສິງກະໂປຂຽນວ່າ,ພາຍຫຼັງຜ່ານການສົ່ງຕໍ່ທວນໄຟງານກິລາໂອລິມປິກປັກກິ່ງເປັນເວລາຍາວນານແລ້ວກໍ່ມາຮອດເວລາທີ່ເປັນຈຸດເດັ່ນ.ເວັບໄຊຂອງໜັງສືພິມລຽນເຫີຈາວປ້າວຂອງສິງກະໂປລາຍງານວ່າ,ການສົ່ງຕໍ່ໄຟສັກສິດໂອລິມປິກເທື່ອນີ້,ໄດ້ສ່ອງແສງຢ່າງເຕັມທີ່ໃຫ້ເຫັນຄວາມໝາຍກ່ຽວກັບໂອລິມປິກສີຂຽວ ໂອລິມປິກວິທະຍາສາດເຕັກນິກແລະໂອລິມປິກວັດທະນະທຳຂອງງານກິລາໂອລິມປິກປັກກິ່ງ.
ຂ່າວສານຕາສຣັດເຊຍໄດ້ລາຍງານສະພາບການສົ່ງຕໍ່ທວນໄຟຢູ່ເທີງຈອມພູຈູງມູລາງມາວ່າ,ໄຟສັກສິດຂຶ້ນຮອດຈອມພູຈູງມູລາງມາແມ່ນເຫດການທີ່ໜ້າພາກພູມໃຈໃນການສົ່ງຕໍ່ໄຟສັກສິດງານກິລາໂອລິມປິກປັກກິ່ງ.
ເວັບໄຊຮອບໂລກຂອງແບຼຊິນກ່າວວ່າ,ການສົ່ງຕໍ່ທວນໄຟຢູ່ເທີງຈອມພູຈູງມູລາງມາແມ່ນກາລະເວລາຄັ້ງປະຫວັດສາດ.
ໃນມື້ດຽວກັນ ສື່ມວນຊົນສຳຄັນຂອງອົສຕຼາລີ ພ້ອມກັບໂທລະພາບຊ່ອງ1ຂອງເຢຍລະມັນARD ໂທລະພາບຢູຣົສໂບດເປັນຕົ້ນ ກໍ່ໄດ້ລາຍງານຂ່າວການສົ່ງຕໍ່ທວນໄຟຢູ່ເທີງຈອມພູຈູງມູລາງມາຢ່າງທັນການ.
|
|
|
