ຕາມ​ຂ່າວສານ​ຊິນ​ຮວາ:ວັນ​ທີ8 ພຶດສະພາ​ນີ້,5ປະ​ເທດ​ຄື​ໄທ​ ອາ​ເມ​ລິ​ກາ ສິງກະ​ໂປ ອິນ​ໂດ​ເນ​ເຊຍ​ແລະ​ຍີ່​ປຸ່ນ​ເລີ່​ມຈັດການ​ຊ້ອມ​ລົບຮ່ວມ​ທີ່​ມີຊື່ວ່າ"ງູ​ເຫົ່າ​ຄຳ2008"ຢູ່​ຈັງຫວັດ​ນ​ະຄອນຣາຊະສີມາທາງ​ພາກ​ອິສານຂອງ​ໄທ.

ການ​ຊ້ອມ​ຣົບ​ເປັນ​ເວລາ14ວັນເທື່ອ​ນີ້​ລວມມີການ​ຊ້ອມຣົບຄອມ​ພິວ​ເຕີ​ຮຽນ​ແບບ​ກອງ​ບັນຊາ​ການ,ກາ​ນຊ້ອມຣົບກັບ​ທີ່ແລະ​ການ​ຊ່ອຍ​ເຫຼືອ​ມະນຸດສະທຳ​ເປັນຕົ້ນ,ຈຸດປະສົງແມ່ນ"ຍົກສູງຄວາມສາມາດ​ໃນການສູ່​ຮົບ​ແລະ​ປະສານ​ງານຂອງກຳລັງທະຫານ5ປະ​ເທດ,​ແລະ​ເພີ່ມການປະສານ​ງານຄວາມ​ໝັ້ນຄົງ​ລະຫວ່າງ​ກັນ".

ພາຍຫຼັງ​ໄທ​ເກີດ​ລັດຖະປະຫານ​ໃນ​ປີ2006,ອາ​ເມ​ລິ​ກາ​ໄດ້​ຢຸດ​ໃຫ້​ການ​ຊ່ອຍ​ເຫຼືອ​ທາງ​ການ​ທະຫານ​ຕໍ່​ໄທ​ໄລຍະ​ໜຶ່ງ.​ໃນ​ພິ​ທີ​ໄຂ​ຂອງ​ການ​ຊ້ອມ​ຣົບ​ເທື່ອ​ນີ້,ທ່ານ​ເຈັມສ໌ ​​ເອັນທວີສໂທ ນາຍ​ທະຫານ​ສະຖາ​ທູດ​ອາ​ເມ​ລິ​ກາ​ປະຈຳ​ໄທ​ກ່າວ​ວ່າ,​​ໂດຍ​ພິຈາລະນາ"​ຈາກ​ຫຼາຍ​ດ້ານ​ແລະ​ມີ​ລັດ​ຖະບານ​ທີ່​ມາ​ຈາກ​ການ​ເລືອກ​ຕັ້ງ",ສະ​ນັ້ນ,ການ​ຕິດ​ຕໍ່​ພົວພັນ​ລະຫວ່າງ​ອາ​ເມ​ລິ​ກາ​ກັບ​ໄທຈຶ່ງ​ຟົດ​ຟື້ນ​ຄືນ.