|
ຕາມຂ່າວສານຊິນຮວາ:ນັບແຕ່ວັນທີ7 ຮອດວັນທີ9 ພຶດສະພາປີນີ້,ທ່ານເຮີຢ້າເຝິ່ຍ ຜູ່ຊ່ອຍລັດຖະມົນຕີວ່າການກະຊວງການຕ່າງປະເທດຈີນໄດ້ນຳພາຄະນະຜູ່ແທນເຂົ້າຮ່ວມກອງປະຊຸມເຈົ້າໜ້າທີ່ອາວຸໂສຂອງລະຫວ່າງອາຊຽນກັບຈີນຍີ່ປຸ່ນສ.ເກົາຫຼີ(10+3),ການຫາລືພິເສດຂອງເຈົ້າໜ້າທີ່ຊັ້ນສູງກອງປະຊຸມສຸດຍອດອາຊີຕາເວັນອອກແລະກອງປະຊຸມເຈົ້າໜ້າທີ່ອາວຸໂສຂອງເວທີປາໄສພາກພື້ນອາຊຽນທີ່ຈັດຂຶ້ນຢູ່ສິງກະໂປ.
ໃນກອງປະຂຸມ,ທ່ານເຮີຢ້າເຝິ່ຍໄດ້ບັນລະຍາຍຄວາມເຫັນຂອງຈີນທີ່ມີຕໍ່ສະຖານະການພາກພື້ນແລະສາກົນພ້ອມດ້ວຍທ່າທີຕໍ່ການຮ່ວມມືພາກພື້ນອາຊີຕາເວັນອອກ.ທ່ານຊີ້ອອກວ່າ,ກົນໄກຮ່ວມມືຄື10+3,ກອງປະຊຸມສຸດຍອດອາຊີຕາເວັນອອກແລະເວທີປາໄສພາກພື້ນອາຊຽນໄດ້ຮັກສາທ່າອຽງພັດທະນາອັນດີງາມ,ໂດຍຜ່ານການສົນທະນາແລະການຮ່ວມມື,ບັນດາປະເທດໄດ້ເພີ່ມຄວາມເຂົ້າໃຈແລະຄວາມໄວ້ເນື້ອເຊື່ອໃຈເຊິ່ງກັນແລະກັນ,ໄດ້ເຮັດໃຫ້ການຕິດຕໍ່ພົວພັນທາງເສດຖະກິດການຄ້າໃກ້ຊິດກວ່າເກົ່າແລະໄດ້,ຊຸກຍູ້ສັນຕິພາບແລະສະຖຽນລະພາບຂອງພາກພື້ນ.ຝ່າຍຈີນມີທ່າທີວ່າການຮ່ວມມືພາກພື້ນຄວນຍຶດໝັ້ນທັດສະນະຄະຕິທີ່ໂຄລົບເຊິ່ງກັນແລະກັນ,ຮ່ວມມືຕ່າງຝ່າຍຕ່າງມີຜົນປະໂຫຍດ,ໄຂປະຕູແລະພັດທະນາຮ່ວມກັນ,ເສີມຂະຫຍາຍທ່າແຮງຂອງໃຜລາວ,ເຮັດໃຫ້ສີສັນພິເສດຂອງໃຜລາວພົ້ນເດັ່ນຂຶ້ນ, ຊຸກຍູ້ເຊິ່ງກັນແລະກັນ.
|
