|
|
 |
| (GMT+08:00)
2008-05-10 20:21:38
|
 |
|
ປະຊາຄົມໂລກສືບຕໍ່ໃຫ້ການຊ່ວຍເຫຼືອແກ່ມຽນມາ
cri
ຕາມຂ່າວCRI,ວັນທີ9ພຶດສະພານີ້,ຈີນ ອາເມລິກາ ສະຫະປະຊາຊາດ ສະຫະພາບເອີລົບ ກຸ່ມອາຊຽນພ້ອມດ້ວຍປະເທດແລະອົງການຈັດຕັ້ງສາກົນອື່ນໆສືບຕໍ່ຊ່ວຍເຫຼືອມຽນມາທີ່ປະສົບໄພລົມພາຍຸແຖບຮ້ອນ"ນັກລີສ"ຢ່າງໜັກໜ່ວງນັ້ນກູ້ໄພແລະສ້າງສາຄືນໃໝ່.
ວັນທີ9ພຶດສະພານີ້,ຢູ່ສຳນັກງານໃຫຍ່ສະຫະປະຊາຊາດທີ່ນີວຢອກ,ທ່ານລິວເຈິ້ນມິນ ຮອງຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ກ່າວວ່າ,ວັດສະດຸຊ່ວຍເຫຼືອທີ່ຈີນສະໜອງໃຫ້ມຽນມານັ້ນໄດ້ສົ່ງໄປຮອດສະໜາມບິນຢາງກຸ້ງໃນວັນທີ7ພຶດສະພາແລ້ວ.ເນື່ອງຈາກວ່າສະພາບໄພໜັກໜ່ວງທີ່ສຸດ,ລັດຖະບານຈີນຈິ່ງຕົກລົງເພີ່ມການຊ່ວຍເຫຼືອດ່ວນທີ່ມີມູນຄ່າ30ລ້ານຢວນອີກ.ກອງກອບກູ້ດ່ວນແລະກອງປິ່ນປົວຂອງຈີນກໍ່ໄດ້ກຽມພ້ອມແລ້ວທີ່ຈະໄປມຽນມາໃນທຸກເວລາ.
ກະຊວງການຕ່າງປະເທດສິງກະໂປ ປະເທດປະທານຮອບໝູນວຽນຂອງອາຊຽນໄດ້ອອກຖະແຫຼງການວ່າ,ສິງກະໂປໄດ້ສະເໜີໃຫ້ຈັດກອງປະຊຸມວິສາມັນລະດັບລັດຖະມົນຕີການຕ່າງປະເທດອາຊຽນເພື່ອຫາລືຈະຊ່ວຍເຫຼືອມຽນມາກູ້ໄພແລະສ້າງສາຄືນໃໝ່ແນວໃດ?.ຖະແຫຼງການຍັງສະເໜີໃຫ້ມຽນມາສ້າງກົນໄກປະສານງານເພື່ອຮ່ວມມືກັບປະຊາຄົມໂລກແລະອົງການຊ່ວຍເຫຼືອ.
|
|
|
