|
|
 |
| (GMT+08:00)
2008-05-12 18:02:15
|
 |
|
ຊາວຈີນທີ່ອາໄສຢູ່ມຽນມາບໍລິຈາກເງິນແລະເຂົ້າຮ່ວມການກູ້ໄພຢ່າງຫ້າວຫັນ
cri
Author: d
ຕາມຂ່າວສານຊິນຮວາ:ວັນທີ11ພຶດສະພານີ້ ຜູ່ຮັບຜິດຊອບອົງການຊາວຈີນທີ່ອາໄສຢູ່ມຽນມາກ່າວວ່າ,ຊາວຈີນທີ່ອາໄສຢູ່ມຽນມາໄດ້ບໍລິຈາກເງິນກູ້ໄພແລະເຂົ້າຮ່ວມວຽກງານສ້າງສາຄືນໃໝ່ຢ່າງຫ້າວຫັນ.
ທ່ານຫຼຸຍເຈີ້ນປິ່ນ ຫົວໜ້າສະມາຄົມພີ່ນ້ອງບ້ານດຽວຝູຈ້ຽນມຽນມາແຈ້ງວ່າ,ວັນທີ10ພຶດສະພາ ສະມາຄົມນີ້ໄດ້ບໍລິຈາກເງິນເກືອບ1ລ້ານ7ແສນໂດລາໃຫ້ສູນຊ່ວຍເຫຼືອຂອງກະຊວງສະຫວັດດີການສັງຄົມ ສົງເຄາະແລະຊ່ວຍເຫຼືອມຽນມາ,ເພື່ອຊ່ວຍສ້າງສາຄືນໃໝ່.
ມື້ດຽວກັນ ສະມາຄົມເພື່ອການກຸສົນຊາວຈີນມຽນມາແລະສະພາການຄ້າຊາວຈີນມຽນມາຕ່າງກໍ່ໄດ້ບໍລິຈາກເງິນ20ລ້ານກ໋ຽດ.ອົງການຊາວຈີນແລະບຸກຄົນຢູ່ມຽນມາກໍ່ບໍລິຈາກເງິນຢ່າງຫ້າວຫັນ.ບໍລິສັດຊາວຈີນຍັງຮັບພາລະວຽກງານທຳຄວາມສະອາດຢູ່ທາງຫຼວງນະຄອນຢາງກຸງ.
ນອກນີ້,ທ່ານກວນມູ້ ເອກອັກຄະລັດຖະທູດຈີນປະຈຳມຽນມາກໍ່ຕາງໜ້າສະຖານທູດບໍລິຈາກເງິນ2ໝື່ນໂດລາໃຫ້ມຽນມາ.ສະພາການຄ້າວິສາຫະກິດຈີນມຽນມາໄດ້ບໍລິຈາກເງິນ6ພັນໂດລາແລະ1ລ້ານ3ແສນ5ໝື່ນກ໋ຽດໃຫ້ມຽນມາ.ບໍລິສັດມຽນມາກຸ່ມອຸດສາຫະກຳນ້ຳມັນເຊື້ອໄຟເຄມີຈີນບໍລິຈາກເງິນ1ແສນ3ພັນໂດລາໃຫ້ມຽນມາ.
|
|
|
